NationalPosted at: May 25 2020 8:06PM بہت کم پروازوں کے ساتھ ہوائی سفر دوبارہ شروع
نئی دہلی، 25 مئی (یواین آئی)کورونا وائرس (کووڈ۔19) کے پیش نظر پورے ملک میں نفاذ لاک ڈاؤن کی وجہ سے دو مہینے تک معطل رہنے کے بعد وبا سے بچاؤ کے نئے قوانین کے ساتھ گھریلو مسافر ہوائی خدمات آج دوبارہ شروع ہوگئیں حالانکہ پہلے دن پروازوں کی تعداد کافی کم رہی۔
دہلی کے اندرا گاندھی بین الاقوامی ہوائی اڈے سے پہلی پرواز صبح 4.45 روانہ ہوئی۔ ملک کی سب سے بڑی ائرکمپنی انڈیگو کے اے320 جہاز (پرواز نمبر6ای-643) نے ٹرمنل۔3 سے پونے کے لئے پرواز کی۔ انڈیگو نے لاک ڈاؤن4.0 کے دوران 25 سے 31 مئی تک روازنہ 200 پروازوں کی آمدورفت کا اعلان کیا تھا لیکن مختلف ریاستی حکومتوں کے ذریعہ پابندی کی وجہ سے آج کئی پروازیں رد کی گئیں۔
تنہا دہلی ہوائی اڈے پر آمدورفت کے مجموعی طور سے 80 پروازیں رد کی گئیں۔ ہوائی اڈے کے ایک افسر نے بتایا کہ آج یہاں سے 118 پروازیں روانہ ہوئیں اور 125 پروازیں یہاں اتریں۔ پہلے روزانہ 190 آمد اور 190 روانگی کا منصوبہ بنایا گیا تھا۔
سرکاری جہاز کمپنی ائر انڈیا نے آج 85 پروازوں کی آپریٹنگ کی۔ ٹاٹا گروپ اور سنگاپور ائرلائنس کی مشترکہ کمپنی وستارا نے آج محض 20 پروازیں کیں۔ واڈیا گروپ کی کفایتی ائرلائنس گوائر کی آج ایک بھی پرواز نہیں ہوئی۔
جاری۔یواین آئی۔ ظ ا