(یو ڈی آئی 42 کے مقام پر ترمیم کے ساتھ)
نئی دہلی، 7 جولائی (یو این آئی) صدر جمہوریہ رام ناتھ کووند نے پرسار بھارتی کے لئے پانچ نئے جز وقتی ممبر کی تقرری کی ہے۔
منگل کو وزارت اطلاعات نشریات کی طرف سے جاری کردہ ایک ریلیز کے مطابق پی ٹی آئی کے سابق صحافی اور سابق وزیراعظم اٹل بہاری واجپئی کے مشیر برائے اطلاعات اشوک ٹنڈن سمیت پانچ افراد کو جز وقتی ممبر بنایا گیا ہے۔
ریلیز کے مطابق صدر نے ان ممبروں کو براڈکاسٹنگ کارپوریشن ایکٹ 1990 کے تحت سلیکشن کمیٹی کی سفارشات کی بنیاد پر مقرر کیا ہے۔
ان میں اسمعیل مرچنٹ کو 22 اکتوبر 2021 تک اور آلوک اگروال 21 نومبر 2023 اور محترمہ سائنا 21 نومبر 2023 اور سنجے گپتا 22 نومبر 2025 اورمسٹر اشوک ٹنڈن کو 22 نومبر 2025 تک جز وقتی ممبر مقرر کیا گیا ہے۔ ان تمام ممبروں کو ضابطوں کے مطابق الاؤنس اور دیگر سہولیات دی جائیں گی۔
یو این آئی۔ این یو۔