NationalPosted at: Mar 7 2021 6:24PM ڈی ایم آر سی ریڈ لائن کے 12 اسٹیشنوں پر تجدید کاری کا کام پورا
نئی دہلی،7 مارچ (یواین آئی) دہلی میٹرو کی ریڈ لائن پر جولائی 2019 سے جاری وسیع تجدید کاری کاموں کے تحت 12 اسٹیشنوں پر کام پورا ہوچکا ہے اور نو دیگر اسٹیشنوں پر کام جاری ہے۔
دہلی میٹرو ریل کارپوریشن (ڈی ایم آر سی) کی جانب سے جاری ایک ریلیز میں اتوار کو کہا گیا کہ اس وقت ،12 اسٹیشنوں دلشاد گارڈن،جھلمل ،مانسروور پارک،شاہدرا ،شاستری پارک وغیرہ پر تجدید کاری کا کام پورا ہوچکا ہے اور باقی نو اسٹیشنوں پر کام جاری ہے۔دلشاد گارڈن سے ریٹھالا کے درمیان 21 اسٹیشنوں پر تجدید کاری کا کام مئی 2021 تک پورا کرنے کا ہدف ہے۔
انہیں مختلف تجدید کاری کم آپریشن سے متعلق سرگرمیوں کا انتظام ڈائریکتر ڈاکٹر منگو سنگھ نے چھ اور سات مارچ ،کی رات کے درمیان جائزہ لیا۔ اس موقع پر ڈائریکٹر (آپریشن) اے کے گرگ اور دیگر سینئر افسر بھی ان کے ساتھ تھے۔
تجدید کاری کے کاموں میں درج ذیل سرگرمیاں شامل ہیں:سامنے والے بیرونی حصے کو دور حاضر بنانے اور آسانی سے رکھ رکھاؤ کی جا سکنے والی اشیا سے تیار کیا یا بدلا جارہا ہے ،کان کورس اور گراؤنڈ لیول پر پرانے پڑ چکے گرینائٹ کے فرش کو دوبارہ بچھانا ،پلیٹ فارم کی ریٹروپلیٹنگ (کیمیکل پالیشنگ) ،اسٹیشنوں کے باہر اور اندر رنگ روغن لیکیج کی وجہ بننے والے پرانے پڑ چکے ڈرینیج سسٹم سے گندگی کی صفائی / اسٹیشن بلاک میں ڈرینیج نیٹ ورک کی صفائی،اسٹیشن بلاک اور فٹ پاتھ کو بہتر بنانا تاکہ کیمپس کو بہتر اور سندر بنایا جا سکے۔
اس کام میں ضرورت کے مطابق رولنگ شٹروں اور فائر ڈور کی تبدیلی،تجدید کاری خصوصیات کے مطابق نئے سائنیج ،چھتوں اور ان کے شٹروں پر رنگ روغن کرنا،بیت الخلا بلاکوں اور پارکنگ کی تجدید کاری ،موجودہ فائربریگیڈ سسٹم کا اپگریڈیشن ،ایل ای ڈی لائٹنگ اسٹیشنوں پر نئے اسکیلیٹر اور پرانے کی تجدید کاری سی سی ٹی وی کا ڈیجیٹلائزیشن اور اسٹیشنوں کی کیٹینری وائروں پر انسولیشن اور حساس مقامات پر برڈ اسپائک کی سہولت شامل ہے۔
یواین آئی۔اےایم۔