NationalPosted at: Apr 22 2021 8:30PM کووڈ ۔19 ویکسین ڈرون کے ذریعے فراہم کی جائے گی
نئی دہلی، 22 اپریل (یواین آئی) انڈین کونسل آف میڈیکل ریسرچ (آئی سی ایم آر) ڈرون سے کووڈ 19 کے ٹیکے فراہم کرنے کا منصوبہ بنا رہی ہے اور اسے اس سلسلے میں حکومت سے مشروط منظوری مل گئی ہے۔
وزارت شہری ہوا بازی نے آئی سی ایم آر کی درخواست پر آج اپنی اجازت دے دی۔ آئی سی ایم آر نے 22 فروری کو ڈرون سے کووڈ 19 ویکسین کی فراہمی کے لئے فزیبلٹی اسٹڈی کی اجازت کے لئے منظوری طلب کی تھی۔ یہ فزیبلٹی اسٹڈی آئی آئی ٹی کانپور کے اشتراک سے کی جارہی ہے۔
وزارت نے بتایا ہے کہ درخواست گزار کو اسٹڈی کے لئے ڈائریکٹوریٹ جنرل سول ایوی ایشن سے معیاری آپریٹنگ طریقہ کار کی منظوری لینا ہوگی۔ فی الحال اجازت ایک سال کے لئے دی گئی ہے۔
واضح رہے کہ ملک میں کسی بھی پے لوڈ کی ڈلیوری کے لئے ڈرونز کا استعمال ممنوع ہے ، لیکن آئی سی ایم آر کو خصوصی حالات کے پیش نظر اس قانون سے مستثنیٰ قرار دیا گیا ہے۔
یواین آئی۔ ظ ا