NationalPosted at: Oct 22 2021 2:35PM ملک میں شفایابی کی شرح بڑھ کر 98.16 فیصد
نئی دہلی 22 اکتوبر (یو این آئی) ملک میں کورونا وائرس کی سست ہوتی رفتار کے درمیان گزشتہ 24 گھنٹے کے دوران فعال معاملات میں 3086 کی کمی واقع ہوئی ہے اور شفایابی کی شرح بڑھ کر 98.16 فیصد ہوگئی اس دوران جمعرات کو ملک میں 61 لاکھ 27 ہزار 277 افراد کو کورونا کے ٹیکے لگائے گئے اور اب تک ایک ارب 59 لاکھ سے زیادہ کووڈ ویکسین دی جا چکی ہیں۔
مرکزی وزارت صحت کی جانب سے جمعہ کی صبح جاری کردہ اعداد و شمار کے مطابق گزشتہ 24 گھنٹے میں کورونا کے 15786 نئے کیسز کی تصدیق ہوئی، جس سے متاثرہ افراد کااعدادوشمار بڑھ کر 3 کروڑ 41 لاکھ 43 ہزار 236 ہوگیا ہے۔ دریں اثنا 18641 مریضوں کی صحت یابی کے بعد کورونا سے نجات حاصل کرنے والوں کی تعداد بڑھ کر3 کروڑ 35 لاکھ 14 ہزار 449 ہوگئی ہے۔ ایکٹو کیسز 3086 کم ہو کر ایک لاکھ 75 ہزار 745 ہو گئے ہیں۔ وہیں 231 مریضوں کی موت کی وجہ سے اموات کی تعداد بڑھ کر 453042 ہوگئی ہے۔
ملک میں صحت یابی کی شرح 98.16 فیصد اورفعال کیسز کی 0.51 فیصد، جبکہ شرح اموات 1.33 فیصد پربرقرارہے۔
کیرالا فی الحال ایکٹو کیسز میں ملک میں پہلے نمبر پر ہے۔ گزشتہ 24 گھنٹوں کے دوران ریاست میں 1240 فعال کیسز میں کمی کے بعد ان کی تعداد اب 82093 ہوگئی ہے۔ اس کے ساتھ ساتھ 9855 مریضوں کی صحت یابی کے باعث کورونا سے پاک ہونے والے لوگوں کی تعداد بڑھ کر 4779228 ہو گئی ہے۔ اسی عرصے میں 118 مریضوں کی موت کے ساتھ اموات کی تعداد بڑھ کر 27202 ہوگئی ہے۔
مہاراشٹر میں فعال معاملات کم ہوکر 27899 پر آگئے ہیں جبکہ مزید 39 مریضوں کے جاں بحق ہونے کے بعد اموات کی تعداد بڑھ کر 139925 ہوگئی۔ ساتھ ہی کورونا سے نجات حاصل کرنے والوں کی تعداد 2968 بڑھ کر 6430394 پرپہنچ گئی ہے۔
جاری یواین آئی۔الف الف