image
Monday, Jun 24 2024 | Time 05:37 Hrs(IST)
National

ماہ رمضان خود احتسابی، گناہوں سے بچنے اور نزول رحمت کا مہینہ: ڈاکٹر ضیاء الدین

ماہ رمضان خود احتسابی، گناہوں سے بچنے اور نزول رحمت کا مہینہ: ڈاکٹر ضیاء الدین

نئی دہلی، 19مارچ(یو این آئی) ہمیں صرف حکومت کی مدد پر منحصر نہیں رہنا چاہئے بلکہ اپنی مدد آپ کے فارمولے کو فروغ دینا چاہئے خدمت خلق ہر آدمی کی شخصی ذمہ داری ہے ان خیالات کا اظہارالحکمہ فاؤنڈیشن کے چیرمین ڈاکٹر ضیاء الدین احمدنے یہاں روزہ کی فرضیت اور افادیت پرمنعقد ایک پروگرام میں کیا انہوں نے مزید کہا کہ رمضان کا مہینہ خود احتسابی، گناہوں سے بچنے اور اپنے رب کو راضی کرنے اور تقوےٰ اختیار کرنے اور خدا کی خاص رحمتوں کے نزول کا مہینہ ہے، ہمیں اس ماہ مبارک سے بھر پور استفادہ کرنا چاہئے۔
اس موقع پرمہمان خصوصی ڈاکٹر عرفان خان، نیچروپیتھ و حجامہ ایکسپرٹ نے کہا کہ انسان روح اور جسم کا ایک مجموعہ ہے۔ہماری روزمرہ کی زندگی میں ان دونوں میں تسلسل پیدا نہیں ہو پاتا یعنی کہ ہم کسی چیز کو جاننے اور سمجھنے کے باوجود بھی نفس کی کمزوری کی وجہ سے عمل میں نہیں لا پاتے۔ روزہ رکھنے سے ہمارے جسم اور روح میں تسلسل پیدا ہوتا ہے۔
انھوں نے روزہ کے مزید فوائد بتاتے ہوئے کہا کہ روزہ کی وجہ سے کینسر جیسی جان لیوا بیماریاں کو بھی کنٹرول کرنے میں مدد ملتی ہے۔ روزہ کی وجہ سے معاشرہ میں ایک خوشحال تعلقات قائم کرنے میں بھی مدد ملتی ہے۔ روزہ کی وجہ سے ہمارے اندر غرباء سے نزدیکیاں اور ان کے حقوق کی ادائیگی کے تئیں بیداری بھی پیدا ہوتی ہے جس کی ہمیں بھرپور کوشش کرنی چاہئے۔ ماہ رمضان سے ہر سال ہمارا ایمان فروزاں ہوتا ہے۔
صدارتی خطبہ دیتے ہوئے خطیب و امام محمد شاہد سرور نے کہا کہ ہمیں رمضان کے مبارک مہینہ کی تیاری پہلے سے ہی کر لینی چاہئے۔انھوں نے کہا کہ ہم لوگ اپنے ذاتی مقاصد کے لئے مختلف مواقع پر کام سے چھٹیاں لیا کرتے ہیں، ایک مرتبہ ہم رمضان کے اس موقع پر اللہ کے لئے بھی چھٹی لے کر دیکھیں اور اللہ کو راضی کرنے میں اس کوصرف کریں۔
انھوں نے کہا کہ رمضان کا مہینہ ہم سب کے لئے دوسروں کے غم باٹنے اور احساس کرنے کا مہینہ ہے۔ ہمیں چاہئے کہ اس مہینہ میں ہم اپنے غریب بہن اور بھائیوں کی خوب مدد کریں اور ایک خوشحال سماج کی تشکیل میں اپنا کردار ادا کریں۔مفتی صاحب نے مزید کہا کہ ہمیں یہ تہیہ کرنا چاہئے کہ ہم آگے کی زندگی بھی اسی کے مطابق گزاریں گے۔
پروگرام کے آغاز میں الحکمہ فاؤنڈیشن کے چیرمین ڈاکٹر ضیاء الدین احمد نے تمام مہمان گرامی کا پرجوش طریقہ سے استقبال کیا۔ لوگوں سے خطاب کرتے ہوئے ڈاکٹر ضیاء الدین صاحب نے فاؤنڈیشن کے اغراض و مقاصد اور سرگرمیوں کا مختصر تعارف پیش کیا۔اس موقع پر انہوں نے فاؤنڈیشن کے زیر اہتمام چلائے جارہے کمپیوٹر کورسز سے بھی آگاہ کیا۔
پروگرام کے آخر میں جامعہ ہمدرد یونیورسٹی کے چیف لائبریرین محمد شعیب نے تمام مہمانوں کا شکریہ ادا کیا اور لوگوں سے اپیل کی کہ وہ فاؤنڈیشن کی مختلف سرگرمیوں سے بھرپور استفادہ کریں اور فاؤنڈیشن سے بھی جڑیں۔ انھوں نے مزید کہا کہ اس ماہ رمضان کے مہینہ میں سبھی لوگ اپنے غریب و ناداربہنوں اور بھائیوں کی بھرپور مدد کریں۔ یہ مدد لوگ فاؤنڈیشن کے ذریعہ بھی کرسکتے ہیں۔
یو این آئی۔ ایف اے۔م الف

خاص خبریں
سیلاب سے نمٹنے کی تیاریوں کے جائزے کے لئے میٹنگ

سیلاب سے نمٹنے کی تیاریوں کے جائزے کے لئے میٹنگ

نئی دہلی، 23 جون (یو این آئی) مانسون کے پیش نظر، مرکزی وزیر داخلہ امت شاہ کی صدارت میں آج ایک اعلیٰ سطحی میٹنگ میں ملک میں سیلاب سے نمٹنے کی مجموعی تیاریوں کا جائزہ لیا جا رہا ہے۔

...مزید دیکھیں
سی بی آئی نے نیٹ امتحان میں مبینہ بے ضابطگیوں کا معاملہ درج کیا

سی بی آئی نے نیٹ امتحان میں مبینہ بے ضابطگیوں کا معاملہ درج کیا

نئی دہلی، 23 جون (یو این آئی) مرکزی تفتیشی بیورو (سی بی آئی) نے مرکزی وزارت تعلیم کی تحریری شکایت کی بنیاد پر قومی اہلیت مع داخلہ ٹیسٹ (این ای ای ٹی) (یو جی) میں مبینہ بے ضابطگیوں کے سلسلے میں فوجداری مقدمہ درج کیا ہے۔

...مزید دیکھیں
تمل ناڈو زہریلی شراب معاملے کی سی بی آئی تحقیقات ہونی چاہئے: سیتا رمن

تمل ناڈو زہریلی شراب معاملے کی سی بی آئی تحقیقات ہونی چاہئے: سیتا رمن

نئی دہلی، 23 جون (یو این آئی) مرکزی وزیر خزانہ اور بھارتیہ جنتا پارٹی کی سینئر لیڈر نرملا سیتا رمن نے اتوار کو تمل ناڈو زہریلی شراب معاملے کی مرکزی تفتیشی بیورو (سی بی آئی) سے تحقیقات کا مطالبہ کیا اور کہا کہ کانگریس صدر ملکارجن کھڑگے اور کانگریس لیڈر راہل گاندھی کو اس پر بیان دینا چاہئے۔

...مزید دیکھیں
مشرقی چمپارن میں 2 کروڑ روپے کی لاگت سے تعمیر ہونے والا پل گرا

مشرقی چمپارن میں 2 کروڑ روپے کی لاگت سے تعمیر ہونے والا پل گرا

موتیہاری، 23 جون (یو این آئی) بہار کے مشرقی چمپارن ضلع کے گھوڑاسہن بلاک کے اموا-کنڈوا چین پور روڈ پر 2 کروڑ روپے کی لاگت سے تعمیر کیا جا رہا ایک پل گر گیا۔

...مزید دیکھیں
اوڑی انکاونٹر:ایک ملی ٹینٹ ہلاک، آپریشن ہنوز جاری :دفاعی ترجمان

اوڑی انکاونٹر:ایک ملی ٹینٹ ہلاک، آپریشن ہنوز جاری :دفاعی ترجمان

سری نگر،23جون(یو این آئی)شمالی ضلع بارہ مولہ کے اوڑی سیکٹر میں فوج نے دراندازی کی کوشش کو ناکام بناتے ہوئے ایک ملی ٹینٹ کوہلاک کرنے کا دعویٰ کیا ہے اطلاعات کے مطابق مصدقہ اطلاع موصول ہونے کے بعد فوج اور بی ایس ایف نے ہفتے کی صبح اوڑی سیکٹر میں تلاشی آپریشن شروع کیا جس دوران وہاں پر موجود ملی ٹینٹوں اور فورسز کے مابین شدید گولیوں کا تبادلہ شروع ہوا ذرائع نے بتایا کہ سیکورٹی فورسز نے ایک وسیع علاقے کو محاصرے میں لے کر فرار ہونے کے سبھی راستوں پر پہرے بٹھا دئے اور اتوار کی صبح تک آپریشن کو موخر کیا۔

...مزید دیکھیں
پیپر لیک، منسوخی یا ملتوی کرنا بی جے پی حکومت کا کام کرنے کا انداز بن گیا ہے: کانگریس

پیپر لیک، منسوخی یا ملتوی کرنا بی جے پی حکومت کا کام کرنے کا انداز بن گیا ہے: کانگریس

نئی دہلی، 23 جون (یو این آئی) کانگریس صدر ملکارجن کھڑگے اور پارٹی جنرل سکریٹری پرینکا گاندھی واڈرا نے آج کہا کہ پیپر لیک ہونے کی وجہ سے بڑے اور اہم امتحانات کو منسوخ کرنا مودی حکومت کے کام کرنے کا اندازبن گیا ہے، لیکن پیپر منسوخ کرنا اور عہدیداروں کو تبدیل کرنا اس مسئلہ کا کوئی حل نہیں ہے، اس لیے اس سمت بلا امتیاز کام کرنے اور سب کے مفاد میں قدم اٹھانے کی ضرورت ہے مسٹر کھڑگے نے کہا، "این ای ای ٹی گھوٹالے میں ذمہ داری حکومت کے اعلیٰ عہدیداروں کی ہے۔

...مزید دیکھیں
انگلینڈ نے ٹاس جیت کر پہلے گیند بازی کا فیصلہ کیا

انگلینڈ نے ٹاس جیت کر پہلے گیند بازی کا فیصلہ کیا

برج ٹاؤن، 23 جون (یو این آئی) انگلینڈ نےآج ورلڈ کپ کے سپر ایٹ گروپ 2 کے ٹی ٹوئنٹی میچ میں امریکہ کے خلاف ٹاس جیت کر پہلے گیند بازی کا فیصلہ کیا۔

...مزید دیکھیں
image