NationalPosted at: May 27 2017 3:17PM پنڈت نہرو کی برسی پر مودی نے خراج عقیدت پیش کیا
نئی دہلی،27مئی(یو این آئی)وزیر اعظم نریندر مودی نے آج ملک کے پہلے وزیر اعظم پنڈت جواہر لعل نہرو کو ان کی 53ویں برسی پر یاد کرتے ہوئے خراج عقیدت پیش کیا۔ مسٹر مودی نے اپنے ٹویٹ میں لکھا’’پنڈت جواہر لعل نہرو کو ان کی 53برسی پر سچی خراج عقیدت پیش کرتا ہوں‘‘ صدر جمہوریہ پرنب مکھرجی،نائب صدر ڈاکٹرحامد انصاری، کانگریس صدر سونیا گاندھی سمیت دیگر لیڈروں نے بھی پنڈت نہرو کو ان کی 53ویں برسی پر خراج عقیدت پیش کی۔ ان لیڈران نے شاندتی ون واقع ان کی سمادھی پر گلہائے عقیدت بھی پیش کیا۔ واضح رہے کہ آنجہانی نہرو نے 15اگست 1947 کو ملک کے پہلے وزیر اعظم کے طورپر حلف لیا تھا۔ملک کو برطانوی تسلط سے آزادی ملنے کے بعد انہوں نے ملک کی باگ ڈور سنبھالی تھی ۔ ان کی وفات 27مئی 1964 کوہوئی۔ آنجہانی نہرو کوملک کے سب سے طویل عرصے تک وزیر اعظم رہنے کا اعزاز حاصل ہے ۔ ان کی پیدائش 14نومبر1889 کو اترپردیش کے الہ آباد ضلع میں ہوئی تھی۔ یو این آئی۔ س ک۔ 1451