نئی دہلی، 27مئی (یو این آئی) وزیر اعظم نریندر مود ی نے آج کہا کہ ہندوستان اور ماریشس کے رشتے وقت کی کسوٹی پر کھرے اترے ہیں اور ماریشس کے وزیر اعظم پروندر کمار جگن ناتھ کے دورہ ہند سے ان تعلفات کی گہرائی کا پتہ چلتا ہے۔ مسٹر مودی نے یہاں مشتر کہ پریس کانفرنس میں کہا کہ ہندوستان اور ماریشس کے رشتے وقت کی کسوٹی پر کھرے اترے ہیں ۔ ماریشس کے وزیر اعظم کے ساتھ ان کی بات چیت کافی سود مند رہی۔ انہوں نے کہا کہ آج کی بات چیت سے دونوں ملکوں کے تعلقات نئی بلندیوں پر پہنچے ہیں۔ پچاس کروڑ ڈالر کے معاہدہ سے ماریشس میں ترجیحی پروجیکٹوں پر عملدرآمد میں مدد ملے گی۔ انہوں نے کہاکہ یہ سمجھوتہ اس کی ترقی کے تئیں ہندوستان کی عہدبندی کا مظہر ہے اور اس سے وہاں کے تمام پروجیکٹوں پر بروقت عمل درآمد ہوسکے گا۔ انہوں نے کہاکہ باہمی سمندری تحفظ معاہدہ سے دونوں ملکوں کے درمیان تعلقات مزید مستحکم ہوں گے۔ دونوں فریقین کے درمیان اس بات پر اتفاق ہوا ہے کہ اقتصادی مواقخ کو برھانے کے لئے بحر ہند میں روایتی اور غیر روایتی خطرات کا بہتر نظم ضروری ہے۔ انہوں نے کہا کہ دونوں ملکوں کے درمیان سیاحت اور رابطہ عامہ بڑھانے کے لئے بھی بات چیت ہوئی ہے۔ ماریشس کے وزیر اعظم نے ان کا اور ان کے وفد کے خیر مقدم کے لئے حکومت ہند او رمسٹر مودی کا شکریہ ادا کرتے ہوئے کہا کہ ہندوستان ان کے آباء و اجدادکی دھرتی ہے۔ یو این آئی ج ا