کلکتہ 18اپریل (یو این آئی)وزیر اعلیٰ ممتا بنرجی نے آج شمالی مالدہ لوک سبھا حلقے میں ترنمول کانگریس کی امیدوار موسم بے نظیر نورکی حمایت میں ریلی سے خطاب کرتے ہوئے ایک بار پھر بی جے پی کے ساتھ کانگریس اور سی پی ایم کی سخت تنقید کرتے ہوئے کہا کہ یہ تینوں جماعتیں اس وقت ایک ہوگئی ہیں اور اگر کوئی بی جے پی کا مقابلہ کرسکتی ہے تو ترنمول کانگریس ہے۔
و زیرا علیٰ ممتا بنرجی نے ایک بارپھر این آر سی کا ذکر کرتے ہوئے کہا کہ بی جے پی اس ملک کے شہریوں کو ڈرانے کی کوشش کررہی ہے اور ملک کو ہندو مسلمان کے درمیان تقسیم کیا جارہا ہے۔انہوں نے کہا کہ مودی کے پاس کارکردگی دکھانے کیلئے کچھ بھی نہیں ہے، روزگار دینے کا جو وعدہ کیا تھا کہ اس پو را نہیں کیا۔ملک کی معیشت تباہ ہوچکی ہے اس لیے وہ فرقہ واریت کی بات کرکے ملک کے عوام کی توجہ ترقیاتی کاموں سے ہٹاکر این آر سی جیسے ایشوز پر مبذول کرانے کی کوشش کرتے ہیں مگرانہیں کامیابی نہیں ملے گی۔
وزیرا علیٰ نے کہا کہ موسم بے نظیر نور مالدہ کو ترقی دینے کیلئے ترنمول کانگریس میں شامل ہوئی ہیں۔وزیرا علیٰ نے کہا کہ مالدہ اور مرشدآباد میں ان کی حکومت نے بڑے پیمانے پر ترقیاتی کام کیے ہیں۔گزشتہ 60سالوں میں جو کام نہیں ہوئے تھے وہ8سالوں میں ہوئے ہیں۔ممتا بنرجی نے کہا کہ ترنمول کانگریس کو ریاست کی 42میں سے 42سیٹوں پر جیت حاصل کرنی ہے۔اس لیے موسم بے نظیر نور کو کامیاب کریں۔وزیرا علیٰ نے کہا کہ ترنمول کانگریس کے بغیر مرکز میں کو’ئی بھی حکومت نہیں بن سکتی ہے اور ہم کلیدی کردار اداکریں گے۔
وزیراعلیٰ نے کہا کہ این آر سی صرف مسلمانوں کے حلاف نہیں ہے۔آسام میں 22لاکھ ہندؤں کے نام شامل نہیں ہے۔اس سے کچھ بھی حاصل نہیں ہونے والا ہے یہ صرف ملک کے شہریوں کو ہی پریشان کیا جائے گا۔انہوں نے کہا کہ شہری ترمیمی بل کے نام پر مسلمانوں میں خوف پیدا کیا جارہا ہے۔انہوں نے کہا کہ شہریوں کو رفیوجی بنانے کا یہ فارمولہ ہے۔ممتا بنرجی نے کہا کہ بنگال میں یہ دونوں کامیاب نہیں ہوگا۔
ممتا بنرجی نے کہا کہ چوکیدار نے دس لاکھ افراد کے روزگار کو چھین لیا ہے،کالا دھن واپس لانے کے بجائے کالادھن میں اضافہ کردیا ہے۔اپن ناکامیوں کو چھہانے کیلئے چوکیدار اب ہندو مسلم کی سیاست کررہے ہیں تاکہ پولرائزیشن کے ذریعہ وہ اقتدار میں پہنچیں۔مگر ملک کے عوا م بے وقوف نہیں ہے۔چوکیداری ختم ہونے کا وقت آگیا ہے۔
ممتا بنرجی نے کہا کہ بنگال میں ہندو مسلم ایک ساتھ رہتے ہیں،ایک دوسرے کے تہوار میں شریک ہوتے ہیں۔درگاپوجا، کالی پوجااور عید سب تہوار مل کر منایا جاتا ہے۔ممتا بنرجی نے کہا کہ مذہب کے نام پر مودی کو ہم ملک کو توڑنے نہیں دیں گے۔بنگا ل میں یہ سیاست نہیں چلے گی۔
مالدہ میڈیکل ہب اور ترقیاتی کام کرنے کا وعدہ کرتے ہوئے وزیرا علیٰ نے کہا کہ یہاں ائیر پورٹ کی تعمیر کی جائے۔وزیر اعلیٰ نے کہا کہ مالدہ جنوب سے معظم اور شمال سے موسم کو کامیاب کریں۔ممتا بنرجی نے کہاکہ بنگال اب تک سی پی ایم کے قرضوں کے بوجھ کے تلے دبی ہوئی ہے۔انہوں نے کہا کہ سی پی ایم اور کانگریس بنگال میں آئیڈولوجی سے عاری ہوچکی ہے۔اس لیے یہ تینوں جماعتیں ہمارے خلاف متحد ہوگئی ہیں۔
یواین آئی۔نور