OthersPosted at: Aug 22 2019 12:57PM تشار کو یو اے ای پولیس نے عجمان میں گرفتار کیا
کوچی،22اگست(یواین آئی)کانگریس کے سابق صدرراہل گاندھی کو قومی جمہوری اتحاد(این ڈی اے)امیدوار کے طورپر وائناڈ سے چیلنج دینے والے بھارت دھرم جن سینا(بی ڈی جے ایس)کے صدر تشار ویلاپلی کو چیک ناؤنس کے معاملے میں متحدہ عرب امارات پولیس نے عجمان سے گرفتار کرلیا۔
کیرالہ میں بی جےپی کی قیادت میں دوسرے سب سے بڑے بی ڈی جے ایس کے لیڈر کو منگل کی دیر شام کو شرجاہ کے پاس واقع عجمان سینٹرل جیل بھیج دیاگیا ہے۔
بنیادی طورپر تریشور کے رہنے والے اور اب عجمان میں بس چکے تاجر نازل عبداللہ نے یو اے ای پولیس میں درج کرائی اپنی میں شکایت میں تشار کو ایک کروڑ درہم یعنی 19کروڑ روپے کا چیک نہ بھیجنے اور چیک باؤنس ہونے کا دعوی کیا ہے۔دو دن پہلے پولیس نے معاملہ درج کرانے کے بعد نازل نے تشار کو عجمان کے ایک ہوٹل میں چیک باؤنس ہونے سے متعلق معاملے کو سلجھانے کے لئے بات چیت کرنے کےلئے بلایا تھا۔چیک کا یہ معاملہ 10سال پرانا ہے جو تعمیراتی کمپنی بوئنگ کے خریب کی ادائیگی سے جڑا ہوا ہے۔نازل اس وقت اسی علاقے کا چھوٹا ٹھیکے دار تھا۔لیکن نازل کو دئےگئے چیک میں تاریخ کا ذکر نہیں تھا جس کی وجہ سے وہ باؤنس کرگیا۔
تشار کے ہوٹل میں آتے ہی یو اے ای پولیس نے اسے حراست میں لے لیا اور اسے ہوٹل سے باہر لے گئی اور بعد میں مقامی عدالت میں پیش کرنےکے بعد اسے عدالتی حراست میں بھیج دیاگیا۔
اس دوران تشار اور ان کے والد ویلاپنی ناتے سن ،جو مسٹرنارائن دھرم پریپالن کے جنرل سکریٹری بھی ہیں،نے معاملے سے متعلق ضروری دستاویز جمع کرکے امارات کے کچھ اہم تاجروں کو تشار کو قانونی طریقےسے رہا کرانے کی کوشش میں لگایا ہے۔
واضح رہے کہ حال ہی میں مکمل ہوئے لوک سبھا انتخابات میں کیرالہ کے وائناڈ پارلیمانی حلقے میں مسٹر راہل گاندھی کے ہاتھوں تشار کو کراری ہار کا سامنا کرنا پڑا تھا۔
یواین آئی۔اےایم۔