OthersPosted at: Jan 22 2020 8:15PM اگر ہم جھوٹ بول رہے ہیں تو شاہ بتائیں گے کہ سچائی کیا ہے؟:ممتا بنرجی
دارجلنگ (یواین آئی)وزیر اعلیٰ ممتا بنرجی نے آج مرکزی وزیر داخلہ امیت شاہ کے چیلنج پر کوئی تبصرہ کیے بغیر کہاکہ اگر ہم لوگ جھوٹ بول رہے ہیں تو شاہ کیا بتاسکتے ہیں سچائی کیا ہے اور ان کی حکومت ملک کی معیشت پر توجہ دینے کے بجائے ملک کے عوام کو مذہب کی بنیاد پر تقسیم کرنے کی کوشش کیوں کررہی ہے۔
وزیر اعلی ممتا بنرجینے آج دارجلنگ میں شہریت ترمیمی ایکٹ مخالف ریلی کی قیادت کی ۔وزیر اعلیٰ نے پہاڑی شہریوں کو یقین دلاتے ہوئے کہا کہ ان کے ساتھ ناانصافی نہیں ہونے دی جائےگی اور وہ پہاڑی عوام کے شانہ بشانہ کھڑی ہوئی ہیں ۔مرکزی حکومت کی تنقید کرتے ہوئے انہوں نے کہا کہ ’’ اب وزیر اعظم ہمارے ووٹوں سے ہمیں بھگانے کی کوشش کر رہے ہیں۔ کیا آج ہمیں آزادی سے بات کرنی کی اجازت ہے؟ وزیر اعلیٰ نے کہا کہ جب تک یہ کالا قانون منسوخ نہیں ہوجاتا ہے اس وقت تک ان کی تحریک جاری رہے گی ۔
گزشتہ کل لکھنو میں امیت شاہ کی تقریر پر تنقید کرتے ہوئے کہا کہ ہم لگ ڈرنے والے نہیں ہیں ۔وزیر اعلیٰ نے کہا کہ پوری حکومت کنفیوزن کی شکار ہے ۔جس کو چاہتی ہے اسے پاکستانی کہہ کر تنقید کرتے ہیں۔انہیں سمجھ میں نہیں آتا ہے کہ وہ ہندوستانی ہیں نہ کہ پاکستانی ۔ہردن ان کی باتوں میں تضادات سامنے آتے ہیں ۔وزیر اعلیٰ نے کہا کہ شاہ کہتے ہیں کہ ہم جھوٹ بول رہے ہیں اگر ہم جھوٹ بول رہے ہیں تو کیا شاہ نے خود سچ بولا ہے ۔
وزیر اعلیٰ نے کہا کہ یہ قانون نفرت انگیز ہے اور اس کا مقصدملک کے عوام کو آپس میں لڑانا ہے ۔لیکن میں ملک کے عوام کو مذہب کی بنیاد پر تقسیم نہیں کرنے دیں گی ۔انہوں نے کہا کہ یہ ملک سب کا ہے اور یہاں سے ایک بھی گورکھا کو نکالنے نہیں دیا جائے گا وزیر اعلیٰ نے کہا کہ ’ملک کی معیشت انتشار کی شکار ہے۔ ملک میں روزگار نہیں ہے۔ بی جے پی ان ناکامیوں کو چھپانے کے لئے ہر ممکن کوشش کر رہی ہے۔ ”ممتا نے یہ بھی الزام لگایا کہ بی جے پی پورے ملک میں نفرت کی سیاست کررہی ہے۔ انہوں نے بی جے پی پر ملک کو تقسیم کرنے کی سازش کرنے کا الزام عائد کرتے ہوئے کہا ، "بی جے پی کا کام لوگوں کو گولی مارنا ، لوگوں کو مارنا اور آگ لگانا ہے۔" وزیر اعلیٰ نے کہا کہ "ہم بنگال میں ایک بھی حراستی کیمپ کی اجازت نہیں دیں گے۔
ممتا نے پہاڑی عوام سے مطالبہ کیا کہ وہ دارجیلنگ میں سی اے اے مخالف مظاہروں کو مزید تقویت دیں۔ میں شمال مشرق کے تمام لوگوں سے اپیل کرتی ہوں کہ آپ احتجاج کیلئے سڑک پر آجائیں۔ وزیر اعلیٰ ممتا بنرجی نے کہا کہ ملک میں جمہوریت کا گھلا گھونٹاجارہا ہے ۔لکھنو میں مظاہرین سے کمبل چھےنے گئے ہیں ۔کی ایک جمہوری ملک میں یہ سب برداشت کیاجاسکتا ہے۔
یواین آئی ۔نور