کوڈرما، 10 نومبر (یو این آئی) راشٹریہ جنتا دل (آر جے ڈی) کے سپریمو لالو پرساد یادو نے آج کہا کہ جھارکھنڈ سمیت پورے ملک میں انڈیا اتحاد بہت مضبوط ہے اور اس اسمبلی انتخابات میں بھارتیہ جنتا پارٹی (بی جے پی) کو جڑ سے اکھاڑ پھینکنا ہوگا۔
آر جے ڈی سربراہ لالو پرساد یادو اسمبلی انتخابات میں اپنے امیدوار کے حق میں مہم چلانے کے لیے اتوار کو کوڈرما کے ماراچھو پہنچے۔ انتخابی جلسے سے خطاب کرتے ہوئے انہوں نے آر جے ڈی کے امیدوار سبھاش یادو کو ووٹ دینے اور انہیں کامیاب بنانے کی اپیل کی۔
مسٹر یادو نے اپنے پرانے انداز میں اجتماع سے خطاب کیا۔ انہوں نے طنزیہ لہجے میں کہا کہ آج صبح ہیلی کاپٹر انہیں دیکھ کر ڈر گیا، اس لیے وہ گاڑی میں سوتے ہوئے سڑک سے آئے۔ انہوں نے کہا کہ انڈیا اتحاد پورے ملک میں مضبوط ہے۔ جھارکھنڈ میں بھی یہ اتحاد کافی مضبوط پوزیشن میں ہے۔ اس اسمبلی الیکشن میں بی جے پی کو جڑ سے اکھاڑ پھینکنا ہے آپ سب کو آر جے ڈی کے امیدوار سبھاش یادو کو بھاری ووٹوں سے جتوانا چاہیے، اس لیے انہیں کوڈرما سے امیدوار بنایا گیا ہے۔
انتخابی جلسے سے امیدوار سبھاش یادو کے علاوہ ضلع صدر رامدھن یادو نے بھی خطاب کیا۔
یواین آئی۔ ط ا