image
Monday, Jan 18 2021 | Time 00:38 Hrs(IST)
Regional

جموں و کشمیر میں ڈی ڈی سی انتخابات کے پہلے مرحلے کی ووٹنگ شروع

جموں و کشمیر میں ڈی ڈی سی انتخابات کے پہلے مرحلے کی ووٹنگ شروع

سری نگر، 28 نومبر (یو این آئی) جموں وکشمیر میں آٹھ مرحلوں پر محیط ضلع ترقیاتی کونسل اور پنچاتی و بلدیاتی اداروں کے ضمنی انتخابات کے پہلے مرحلے کی ووٹنگ ہفتے کی صبح سخت سیکورٹی بندوبست کے بیچ شروع ہوئی ہے۔
سرکاری ذرائع نے بتایا کہ ووٹ ڈالنے کا عمل صبح کے سات بجے شروع ہوا۔
انہوں نے بتایا کہ پولنگ کے لئے سیکورٹی کے سخت انتظامات کئے گئے ہیں اور اس کے علاوہ کووڈ پروٹوکال کو بھی یقینی بنایا گیا ہے۔
موصولہ اطلاعات کے مطابق وادی کشمیر میں کئی پولنگ بوتھوں کے باہر سردی کے باوجود رائے دہندگان کی لمبی لمبی قطاریں دیکھی گئیں تاہم بعض پولنگ بوتھوں پر رائے دہنگان نہایت کم تعداد میں دکھائی دئے۔
ان انتخابات کے پہلے مرحلے کے لئے ہفتے کے روز 43 انتخابی حلقوں میں ووٹنگ ہو رہی ہے جن میں سے 25 حلقے کشمیر جبکہ 18 حلقے جموں کے ہیں۔
سرکاری ذرائع کا کہنا ہے پہلے مرحلے کی پولنگ کےلئے 2 ہزار 6 سو 44 پولنگ اسٹیشن قائم کئے گئے ہیں۔
انہوں نے بتایا کہ انتخابات کے پہلے مرحلے میں 1 ہزار 4 سو 75 امیدوار قسمت آزمائی کر رہے ہیں جن میں سے 296 امیدوار جموں و کشمیر میں پہلی بار منعقد ہونے والے ڈی ڈی سی انتخابات میں حصہ لے رہے ہیں۔ ان امیدواروں میں سے 172 کا تعلق کشمیر جبکہ 124 کا تعلق جموں سے ہے۔
آٹھ مرحلوں پر محیط اس پولنگ کا سلسلہ 19 دسمبر کو اختتام پذیر ہوگا جبکہ 22 دسمبر کو نتائج کا اعلان کیا جائے گا۔
ڈی ڈی سی انتخابات میں نیشنل کانفرنس، پی ڈی پی، پیپلز کانفرنس، کانگریس، سی پی آئی (ایم) متحد ہو کر عوامی اتحاد برائے گپکار اعلامیہ کے جھنڈے کے تحت حصہ لے رہی ہیں اور انہوں نے مشترکہ طور امیدوار کھڑے کئے ہیں۔
ادھر بی جے پی نے ان انتخابات میں کامیابی کا سہرا اپنے امیدواروں کے سر باندھنے کے لئے انتخابی مہم چلانے کے لئے 12 بڑے وزرا اور لیڈروں کو کام پر لگایا تھا ان میں سے 5 وزرا جموں و کشمیر میں ہی خیمہ زن رہے۔
قابل ذکر ہے کہ جہاں جموں وکشمیر میں ڈی ڈی سی انتخابات پہلی بار منعقد ہو رہے ہیں وہیں خصوصی پوزیشن کے خاتمے کے بعد یہ جموں و کشمیر میں پہلے انتخابات ہیں۔
یو این آئی ایم افضل

خاص خبریں
ملک میں پہلی مرتبہ کورونا کے مجموعی ایکٹیو کیسز دوفیصد سے کم

ملک میں پہلی مرتبہ کورونا کے مجموعی ایکٹیو کیسز دوفیصد سے کم

نئی دہلی 17 جنوری(یواین آئی) ملک میں کورونا کے یومیہ نئے کیسز میں تیزی سے کمی جاری ہے اور اسی کے ساتھ ساتھ فعال کیسز میں بھی کمی درج کی جارہی ہے۔

...مزید دیکھیں
حکومت تمام  ایشوز پر کسان تنظیموں سے بات کے لئے تیار:تومر

حکومت تمام ایشوز پر کسان تنظیموں سے بات کے لئے تیار:تومر

گوالیار ، 17 جنوری (یواین آئی) زراعت اور کسان بہبود کے مرکزی وزیر نریندر سنگھ تومر نے کہا ہے کہ مرکزی حکومت تمام معاملات پر کسان تنظیموں کے ساتھ کھلے دل سے بات چیت کرنے کے لئے تیار ہے۔

...مزید دیکھیں
کیوڑیا انڈین ریل کے ویژن،سردار پٹیل کے مشن کی علامت:مودی

کیوڑیا انڈین ریل کے ویژن،سردار پٹیل کے مشن کی علامت:مودی

نئی دہلی،17 جنوری (یواین آئی) سردار ولبھ بھائی پٹیل کے دنیا کے سب سے بڑے مجسمے کے مقام کیوڑیا کا ملک کے مختلف حصوں کے ساتھ براہ راست رابطہ آج قائم ہوگیا وزیراعظم نریندر مودی نے یہاں ویڈیو کانفرنسنگ کے ذریعہ سے گجرات میں سردار سروور باندھ کے نزدیک اس جنگلاتی سیاحتی مقام کیوڑیا ،ڈبھوئی اور چاندود ریلوے اسٹیشنوں کے نوتعمیر شدہ عمارتوں ،ڈبھوئی - چاندود امان پریورتن، پرتاپ نگر- کیوڑیا بجلی کی نئی سپلائی سے لیس ریلوے بلاک اور چاندود - کیوڑیا براڈ گیج لائن کا افتتاح کیا اور ملک کے دارالحکومت سمیت مختلف مقاما سے آٹھ جوڑی ریلوے خدمات کی ہری جھنڈی دکھا کر شروعات کی۔

...مزید دیکھیں
کانگریس نے کورونا ویکسین کی قیمت، اس کی برآمد پر اٹھائے سوال

کانگریس نے کورونا ویکسین کی قیمت، اس کی برآمد پر اٹھائے سوال

نئی دہلی، 17 جنوری (یو این آئی) کانگریس نے کورونا کے علاج کے لیے ریکارڈ وقت میں ویکسین بنانے پر ہندوستانی سائنسدانوں کا شکریہ ادا کرتے ہوئے ملک کو ان کا مقروض قرار دیا لیکن حکومت سے پوچھا کہ وہ ٹیکے مہنگی شرح پر کیوں فروخت کر رہی ہے اور سب کی ٹیکہ کاری کیے بغیر کس بنیاد پر اس کی برآمد کو اجازت دے رہی ہے۔

...مزید دیکھیں
کسان نئے زراعتی قوانین کا متبادل پیش کریں: تومر

کسان نئے زراعتی قوانین کا متبادل پیش کریں: تومر

نئی دہلی، 17 جنوری (یو این آئی) وزیر زراعت نریندر سنگھ تومر نے اتوار کے روز احتجاج کرنے والی کسان تنظیموں سے زراعتی اصلاحات کے تین قوانین کو منسوخ کرنے کی ضد چھوڑ کر ان کا متبادل پیش کرنے کی درخواست کی مسٹر نریندر سنگھ تومر نے اپنے بیان میں کہا کہ حکومت کاشتکاروں کے مسائل پر کھلے ذہن سے بات کرنے کے لئے تیار ہے۔

...مزید دیکھیں
فائزر کی ویکسین لگنے کے بعد 13 اسرائیلیوں نے چہرے پر لقوے کی شکایت کی

فائزر کی ویکسین لگنے کے بعد 13 اسرائیلیوں نے چہرے پر لقوے کی شکایت کی

یروشلم ، 17 جنوری (یواین ائی) اسرائیل میں فائزر کمپنی کی کورونا سے بچاؤ کے ٹیکے لگائے جانے کے بعد کم از کم 13 افراد کے چہرے میں ہلکے لقوے کی اطلاعات موصول ہوئی ہیں۔

...مزید دیکھیں
سوڈان کے دارفور میں آپسی تشدد میں کم از کم 50 افراد ہلاک

سوڈان کے دارفور میں آپسی تشدد میں کم از کم 50 افراد ہلاک

قاہرہ، 17 جنوری (یو این آئی) سوڈان کے مغربی دارفور صوبے کے دارالحکومت الجنایاح شہر میں مہاجرین کے لیے بنائے گئے کیمپ میں باہمی جھڑپوں میں کم از کم 48 افراد کی موت ہو گئی اور دیگر 97 افراد زخمی ہوئے ہیں۔

...مزید دیکھیں

سپر سب پنڈتا نے گوا کو شکست سے بچایا

17 Jan 2021 | 11:38 PM

فتوردا ، 17 جنوری (یواین آئی) اتوار کے روز جواہر لال نہرو اسٹیڈیم میں کھیلے گئے ہیرو انڈین سپر لیگ (آئی ایس ایل) کے ساتویں سیزن کے 12 ویں راؤنڈ میں ایف سی گوا نے 85 ویں منٹ میں سپر سب ایشان پنڈتا کے ذریعہ ایک عمدہ گول کی بدولت دفاعی چمپیئن اے ٹی کے موہن بگان 1-1 سے برابر برابر روک دیا۔

شاہد کپور مہابھارت کے کرن کا کردار ادا کریں گے

شاہد کپور مہابھارت کے کرن کا کردار ادا کریں گے

17 Jan 2021 | 6:24 PM

ممبئی،17 جنوری(یواین آئی) مشہور اداکار شاہد کپور مہابھارت کے کرن کا کردار ادا کرتے نظر آئیں گے ایسی خبریں ہیں کہ شاہد کپور نے اپنے گلے پروجیکٹ کےلئے فلم ساز راکیش اوپرکاش مہرا کے ساتھ ہاتھ ملایا ہے۔ خبریں ہیں کہ شاہد کپور،راکیش اوم پرکاش مہرا کی فلم ’مہابھارت‘ میں کرن کا علامتی کردار ادا کرنے جارہے ہیں۔فلم میں کرن کا کردار سب سے اہم ہوگا۔اس فلم میں ’مہابھارت ‘کی کہانی کرن کے نظریے سے دکھائی جائے گی۔اب تک بھی فلم ’مہابھارت‘ کے بارے میں زیادہ معلومات نہیں دی گئی ہے۔ایسے میں یہ کہنا مشکل ہے کہ فلم کو جدید انداز میں دکھایا جائےگا یا پھر نہیں۔

بارڈر سیکیورٹی فورس (بی ایس ایف) نے پاکستانی درانداز کو ہلاک کردیا

15 Jan 2021 | 5:12 PM

جالندھر ، 15 جنوری (یواین آئی) پنجاب کے گرداس پور سیکٹر میں 73 ویں بارڈر سیکیورٹی فورس (بی ایس ایف) کے اہلکاروں نے ہندوستانی بارڈر میں داخل ہونے کی کوشش کر رہے ایک پاکستانی درانداز کو ہلاک کردیا۔

...مزید دیکھیں
image