ادے پور 22 جولائی (یو این آئی) راجستھان میں اودے پور شہر کے گووردھن ولاس تھانہ علاقہ میں آج صبح ایک پرائیویٹ بس کے پلٹنے سے 9افراد کی موت ہو گئی اور 12 دیگر زخمی ہو گئے۔ ایڈشنل پولیس سپرنٹنڈنٹ برجیش کمار سونی نے بتایا کہحادثے میں پانچ افراد کی جائے حادثہ پر ہی موت ہو گئی, جبکہ چار دیگر نے اسپتال میں علاج کے دوران دم توڑ دیا۔ حادثہ میں زخمی لوگوں میں سے کچھ کی حالت نازک بتائی جارہی ہے۔ انہوں نے بتایاکہ تیرتھ یاتریوں کو لیکر احمد آباد سے ہری دوار جارہی یہ بس نیشنل ہائی وے-8 پر مونیکا نلا گاؤں کے قریب سامنے سے آنے والے ایک موٹرسائيكل کو بچانے کی کوشش میں بے قابو ہوکر پلٹ گئی۔ مرنے والوں کی ابھی شناخت نہیں ہوسکی ہے۔ یو این آئی۔ ایف اے۔ ایم جے