Science TechnologyPosted at: Feb 24 2019 11:29PM آسٹریلیا نے ہندوستان سے آخری اوور میں فتح چھینی
وشاکھاپٹنم، 24 فروری (یو این آئی) ياركرمین جسپريت بمراه نے 19 ویں اوور میں دو وکٹ لے کر ہندوستان کے لئے غیر متوقع جیت کی امید پیدا کردی تھی لیکن امیش یادو کے اننگز کے آخری اوور میں آسٹریلیا نے 14 رن حاصل کرکے ہندوستان کے ہاتھوں سے اتوار کے روز پہلے ٹوٹي- 20 میچ میں جیت چھین کر دو میچوں کی سیریز میں 1۔0 کی برتری حاصل کرلی۔
ہندوستان نے سات وکٹ پر 126 رن بنائے جبکہ آسٹریلیا نے 20 اوور میں سات وکٹ پر 127 رن بنا کر ہندوستانی شائقین کو مایوس کر دیا۔ آسٹریلیا نے تین وکٹوں سے یہ میچ جیت لیا۔ جون 2016 کے بعد سے یہ پہلی بار ہے جب ہندوستان نے مسلسل دو ٹوئنٹی -20 میچ گنوائے ہیں۔ ہندوستان کی اپنی سر زمین پر گزشتہ آٹھ ٹوئنٹی ۔20 مقابلوں میں یہ پہلی شکست ہے۔
ہدف کا تعاقب کرتے ہوئے آسٹریلیا کی شروعات خراب رہی اور اس کے ابتدائی دو وکٹ جلدی گر گئے۔ مارکس اسٹائنس دوسرے اوور کی آخری گیند پر رن آؤٹ ہو گئے جبکہ آسٹریلیائی کپتان آرون فنچ کو تیسرے اوور کی پہلی گیند پر جسپريت بمراه نے ایل بی ڈبلیو کر دیا۔
دو وکٹ محض پانچ رن پر گر جانے کے بعد ڈی آرسی شارٹ اور گلین میکسویل نے تیسرے وکٹ کے لئے 84 رن کی شاندار شراکت کی۔ لیگ اسپنر يجویندر چہل نے میکسویل کو لوکیش راہل کے ہاتھوں کیچ کراکر اس خطرناک ہوتی ہوئی شراکت کو توڑا۔ میکسویل نے 43 گیندوں پر 56 رن میں چھ چوکے اور دو چھکے لگائے۔
جاری۔یو این آئی۔ این یو۔