SportsPosted at: Sep 18 2018 9:55PM شیکھر کی شاندار سنچری سے ہندوستان نےبنائے 285 رن
دوبئی، 18 ستمبر (یو این آئی) انگلینڈ میں ٹیسٹ سیریز میں رنوں کےلئےترس رہے بائیں ہاتھ کے اوپنر شیکھر دھون نے ہانگ کانگ کے گیند بازوں کی بے رحمی سے دھنائی کرتے ہوئے محض 120 گیندوں میں 127 رن بنائےجس کی بدولت ہندوستان نے ہانگ کانگ کے خلاف ایشیا کپ کرکٹ ٹورنامنٹ کے گروپ اے مقابلے میں منگل کو 50 اوور میں سات وکٹ پر 285 رن بنالیا ۔
شیکھر نے 127 رن کی اپنی اننگ میں 15 چوکوں اور دو چھکے لگائے۔
شیکھر کو انگلینڈ میں ٹسٹ سیریز میں رنوں کےلئے کافی جدوجہد کرنی پڑی لیکن اپنی جانی پہچانی پچوں پر لوٹتے ہی ان کے بلے نے رن اگلنا شروع کردیا اور شیکھرنے اپنی 14ویں سنچری مکمل کی۔