SportsPosted at: Jul 12 2020 10:39PM بلیک ووڈ کی بدولت ویسٹ انڈیز نے انگلینڈ کو چار وکٹ سے ہرایاساوتھمپٹن ، 12 جولائی (یو این آئی)جرمین بلیک ووڈ (95) کی ذمہ دارانہ بلے بازی اور روسٹن چیس (37) کے ساتھ چوتھی وکٹ کی رفاقت میں 73رنز اور شین ڈاؤرچ (20) کے ساتھ پانچویں وکٹ کیلئے 68 رنز کی بدولت مہمان ٹیم ویسٹ انڈیز نے انگلینڈ کو پہلے ٹیسٹ کے آخری دن چار وکٹ سے ہراکر تین میچوں کی سریز میں ایک صفر کی برتری حاصل کرلی ہے ۔ویسٹ انڈیز کی جانب سے جیت کے لئے درکار 200رنز کے ہدف کے تعاقب میں جرمین بلیک ووڈ نے سب سے زیادہ 95 رنز بنائے ۔ انہوں نے 159گیندوں کا سامنا کیا 12چوکے لگائے جبکہ روسٹن چیس نے 88گیندوں میں ایک چوکے کی مدد سے 37 اور شین ڈاؤرچ نے 37گیندوں میں 20رنز بنائے ۔