SportsPosted at: Jul 15 2020 6:58PM کوکا بورا نے کی نئی اسمارٹ گیند متعارفسڈنی ،15جولائی (یو این آئی )آسٹریلیا کی کھیلوں کے سامان تیار کرنے والی مشہور کمپنی کوکابورا نے کرکٹ کی گیند میں چپ نصب کی ہے،اس نئی ٹیکنالوجی کی مدد سے تیار کی گئی منفرد گیند میں موجود چپ کی مدد سے گیند کراتے وقت اس کی اسپیڈ ، موومنٹ اور باؤنس و دیگر اعداد و شمار بالکل درست حاصل کیے جاسکیں گے۔اسمارٹ گیند کی مدد سے امپائرنگ اور ڈی آر ایس میں بھی مدد لی جاسکے گی، صرف یہی نہیں بلکہ متنازع کیچ میں بھی درست مدد مل سکے گی۔اسمارٹ گیند کو کرکٹ آسٹریلیا نے جونیئرز کی سطح پر استعمال کی منظوری دی ہے اور امکان ہے جلد ہی اسمارٹ بال کو مختلف لیگ میں بھی استعمال کیا جاسکے گا۔