SportsPosted at: May 11 2021 7:49PM نیوزی لینڈ کے خلاف ڈبلیو ٹی سی فائنل کے خلاف منتخب کی گئی ایک مضبوط ہندوستانی ٹیم : پارتھیو پٹیلنئی دہلی، 11 مئی (یواین آئی) سابق ہندوستانی وکٹ کیپر بلے باز پارتھیو پٹیل نے نیوزی لینڈ کے خلاف عالمی ٹسٹ چیمپئن شپ فائنل کے لئے منتخب کی گئی ہندوستانی ٹیم کی تعریف کرتے ہوئے کہا کہ انہیں لگتا ہے کہ یہ حقیقت میں مضبوط ٹیم ہے اور ہندوستان اور نیوزی لینڈ کی ٹیم کے مقابلے میں سبھی پہلووں کا خیال رکھا گیا ہے۔ پارتھیو نے اسٹار اسپورٹس کے پروگرام کرکٹ کنیکٹیڈ میں ٹیم کے بارے میں بات کرتے ہوئے کہا کہ آپ تیزگیندبازی کی بات کریں تو ہمیں جسپریت بمراہ، ایشانت شرما اور محمد شامی جیسے گیندباز ملے ہیں اور اگر ان میں کوئی دو فٹ نہیں ہوتے ہیں تو محمد سراج اور امیش یادو بھی متبادل کے طور پر موجود ہیں۔ ٹیم میں کافی گہرائی ہے۔