SportsPosted at: Mar 18 2016 6:22PM پاکستان کے سامنے ہندوستانی خواتین کی بھی اگنی پریکشا
نئی دہلی، 18 مارچ (یو این آئی) ایڈن گارڈن میں جہاں ہندوستانی مرد ہفتہ کو عالمی کپ میں پاکستان کے چیلنج کا سامنا کریں گے تو وہیں دہلی کے فیروز شاہ کوٹلہ میدان پر ہندوستانی خواتین کی روایتی حریف پاکستان ٹیم کے سامنے آئی سی سی خواتین ٹوئنٹی 20 ورلڈ کپ میں اگنی پریکشا ہو گی۔
ہندوستان اور پاکستان کی خاتون ٹیموں نے کبھی بھی ورلڈ کپ کا خطاب اپنے نام نہیں کیا ہے اور دونوں ٹیموں کے درمیان کوٹلہ میدان پر بھی هائي وولٹیج مقابلے کی توقع کی جا رہی ہے۔
دلچسپ بات یہ ہے کہ مرد ٹیموں کے برعکس میزبان ہندوستانی خاتون ٹیم نے بنگلہ دیش کے خلاف اپنے اوپننگ میچ میں 72 رنز سے شاندار جیت کے ساتھ ورلڈ کپ کی شروعات کی تھی تو وہیں پاکستانی ٹیم کو سخت جدوجہد کے باوجود ویسٹ انڈیز نے چار رنز سے شکست دی تھی۔