InternationalPosted at: Jun 4 2016 2:00PM عظیم باکسر محمد علی کا انتقال
واشنگٹن، 04 جون (رائٹر) عظیم باکسر اور تین بار کے عالمی چیمپئن محمد علی کا 74 سال کی عمر میں انتقال ہو گیا. وہ گزشتہ کئی برسوں سے پارکنسن بیماری میں مبتلا تھے. محمد علی کے کنبہ کے مطابق ان کا فینکس واقع اسپتال میں کل انتقال ہو گیا. انہیں سانس کی تکلیف کے باعث دو دن قبل ہی اسپتال میں داخل کرایا گیا تھا. خیال رہے کہ باکسنگ چھوڑنے کے بعد سال 1984 میں علی کی پارکنسن کی بیماری کا پتہ چلا تھا. علی گذشتہ برس جنوری میں آخری بار پیشاب کی نلی میں انفیکشن کی وجہ سے اسپتال میں داخل ہوئے تھے. علی کو رنگ میں مخالفین کو چت کرنے کے علاوہ نسل پرستی کے خلاف مضبوط طریقہ سے آواز بلند کرنے کی وجہ سے بھی 20 ویں صدی کی عظیم شخصیتوں میں شمار کیا جاتا ہے۔
وہ پہلی مرتبہ 1964 میں باکسنگ کے عالمی چیمپیئن بنے پھر انھوں نے یہ اعزاز 1974 اور پھر 1978 میں بھی حاصل کیا۔
امریکہ کی ریاست کینٹکی سے تعلق رکھنے والے باکسر محمد علی پہلے کیسیئس کلے کے نام سے جانے جاتے تھے لیکن سونی لسٹن کے خلاف 25 فروری 1954 کو ہونے والے اہم مقابلے کے اگلے ہی دن انھوں نے اعلان کیا کہ وہ اسلام قبول کر رہے ہیں، جس کے بعد انھوں نے اپنا نام بدل کر محمد علی رکھ لیا تھا۔