نئی دہلی، 4 اگست (یو این آئی) ہماچل پردیش کے سرمور ضلع میں انڈین انسٹی ٹیوٹ آف ٹکنالوجی مینجمنٹ (آئی آئی ایم) کے مستقل کمپلکس کا منگل کے روز سنگ بنیاد رکھا گیا۔
تعلیم کے مرکزی وزیر ڈاکٹر رمیش پوکھریال نشنک نے ویڈیو کافنرنس کے ذریعہ اس کمپلکس کا سنگ بنیاد رکھا۔
واضح رہے کہ سرمور ضلع میں دھولا کنواں میں یہ ادارہ 2015 میں شروع کیا گیا تھا۔ سال 2018 میں اس کے لئے 392 کروڑ روپے منظور کئے گئے۔ اس میں تقریباً 600 طلبا داخلہ لیں گے۔ یہ کمپلکس 210 ایکڑ پر محیط ہوگا۔
کمپلکس کا سنگ بنیاد رکھتے ہوئے ڈاکٹر نشنک نے کہا کہ یہ ادارہ ہماچل پردیش میں میل کا پتھر ثابت ہوگا اور اپنی فخریہ روایت ادا کرے گا اور ہماچل کی شبیہ کو عالمی سطح پر پیش کرنے کا موقع ملے گا۔
انہوں نے کہا کہ انڈین انسٹی ٹیوٹ آف مینجمنٹ کے طلبا آج دنیا کے اعلی عہدوں پر کام کررہے ہیں۔ انہوں نے کہا کہ آئی آئی ایم سبھی سہولیات سے لیس ہوگا اور سبھی معیارات پر کھرا اترے گا۔
تقریب کو تعلیم کےوزیر مملکت سنجے دھوترے، ریاستی وزیر داخلہ انوراگ ٹھاکر اور ہماچل کے وزیر تعلیم وغیرہ نے بھی خطاب کیا۔
یو این آئی۔ این یو۔