نئی دہلی، 11مئی (یو این آئی) کامرس اینڈ انڈسٹری کے مرکزی وزیر پیوش گوئل نے موجودہ سال میں 400ارب ڈالر کی برآمدات کے ہدف کو حاصل کرنے کی اپیل کرتے ہوئے کہاکہ فارما، انجینئرنگ، آٹو کمپونینٹ،ماہی گیری اور زرعی مصنوعات جیسے کئی شعبوں میں برآمدات میں اضافہ کے کافی امکانات ہیں۔
مسٹر گوئل نے منگل کو ایکسپورٹ پرموشن کونسلز کے ساتھ میٹنگ کرکے بین الاقوامی تجارت کے مختلف امور پر بات چیت کی اور کہاکہ اپریل 2021اور 2020-21میں ایکسپورٹ کی کارکردگی اس بات کی امید دیتی ہے کہ اس سال 400ارب ڈالر کے ایکسپورٹ ہدف کو حاصل کیا جاسکتا ہے۔ انہوں نے کہاکہ فارما، انجینئرنگ، آٹو کمپونینٹ، ماہی گیری اور زرعی مصنوعات جیسے کئی شعبوں میں ایکسپورٹ بڑھانے کے کافی امکانات ہیں۔
مسٹر گوئل نے کہا کہ انہیں کووڈ۔19کی وجہ سے ہونے والے مسائل کے حل کے لئے محکمہ خارجہ تجارت کی کووڈ ہیلپ ڈیسک سے رابطہ کرنا چاہئے۔انہوں نے کہاکہ محکمہ تجارت نے وزارت خزانہ کے ساتھ مل کر برآمدکنندگان کے متعدد مسائل کو حل کرنے کے اقدامات کئے ہیں۔ انہوں نے برآمدکنندگان سے مختلف شعبوں کے لئے شروع کی گئیں پروڈکشن۔لنکڈ مراعاتی اسکیموں سے فائدہ اٹھانے کی اپیل کی۔
مسٹر گوئل نے موجودہ حالات میں برآمدکنندگان کو ان کی اچھی کارکردگی کے لئے مبارکباد دی۔ انہوں نے کہا کہ اپریل 2021میں ہندستان کی برآمد 30.21ارب ڈالر تھی۔ جو کہ اپریل 2020کے مقابلہ میں 197.03فیصد بڑھا ہے۔ اپریل 2020میں 10.17ارب ڈالر کا ایکسپورٹ ہوا تھا۔ جبکہ اپریل 2019کے 26.04ارب ڈالر کے مقابلہ میں بھی 16.03فیصد کا اضافہ ہوا ہے۔ اسی طرح مئی 2021کے پہلے ہفتہ میں ایکسپورٹ،2019-20کی اسی مدت میں 9فیصد بڑھا ہے۔
انہوں نے کہا کہ اگر پی او ایل کو الگ کرکے ایکسپورٹ کا مقابلہ کیا جائے اس مدت میں 2019-20کے مقابلہ میں 15فیصد کا اضافہ ہوا ہے۔
یو این ائی۔ م ع۔ 2245