کوزی کوڈ،8اگست (یو این آئی) کیرالہ میں کوزی کوڈ بین الاقوامی ہوائی اڈہ پر طیارہ کے پھسلنے سے ہوئے حادثہ میں 18لوگوں کی موت اور کئی مسافروں کے زخمی ہونے کی سنیچر کو تصدیق کی گئی اور اس درمیان کئی لیڈروں اور سینئر حکام نے جائے وقوع کا دورہ کیا۔
سنیچر کی رات تقریباً سات بجکر 40منٹ پر کوزی کوڈ ہوائی اڈہ پر ایئر انڈیا ایکسپریس کا طیارہ لینڈنگ کے دوران رنوے پر پھسل کر تقریباً 120گہری کھائی میں گر گیا تھا۔ اس حادثہ میں پائلٹ سمیت 18لوگ مارے گئے اور کئی لوگ زخمی ہوئے۔ زخمیوں میں سے 23مسافروں کی حالت ابھی سنگین بنی ہوئی ہے۔
اس درمیان شہری ہوابازی کے مرکزی وزیر ہردیپ سنگھ پوری نے طیارہ حادثہ میں مارے گئے لوگوں کے گھر والوں کو دس دس لاکھ روپے امدادی رقم دینے کا سنیچر کوا علان کیا۔
مسٹر پوری نے یہاں پریس کانفرنس میں کہاکہ سنگین طورپر زخمیوں کو دو دو لاکھ روپے دیئے جائیں گے۔ اس کے علاوہ معمولی طورپر زخمی لوگوں کو پچاس پچاس ہزار کی مدد دی جائے گی۔
انہوں نے آج جائے وقوع کا دورہ کیا اور لوگوں سے حادثہ سے متعلق کسی طرح کی قیاس آرائی نہیں کرنے اور ڈائرکٹوریٹ جنرل سول ایوایشن کی جانچ مکمل ہونے کا انتظار کرنے کی درخواست کی۔ انہوں نے کہاکہ جانچ سے ہونے والے انکشافات ہمارے لئے کمیوں کو دور کرنے والے سبق ہوں گے۔ وزیر نے طیارہ حادثہ میں مرنے والوں کو خراج عقیدت پیش کیا اور بچاو کام میں شامل رضاکاروں اور حکام کا شکریہ ادا کیا۔
جاری یو این آئی۔ م ع۔ 2150