لکھنؤ:27اکتوبر(یواین آئی) وزیر اعظم نریندر مودی نے 'پی ایم سوندھی اسکیم 'سے مستفید اترپردیش کے پٹری دوکانداروں سے آج وزیر اعلی یوگی آدتیہ ناتھ کی موجودگی میں ورچولی بات چیت کی اور کہا کہ غریبوں کو قرض دلانے کے نام پر سابقہ حکومتوں میں بڑے بڑے گھپلے ہوتے رہے۔
پٹری دوکانداربھی وزیر اعظم سے بات چیت کر کے کافی خوش تھے سوندھی اسکیم کے مستفیدین سے بات کرنے کے بعد اپنے خطاب میں مسٹر مودی نے کہا کہ انہوں نے تجربہ کیا ہے کہ سبھی کو خوشی بھی ہو اور تعجب بھی ہے۔پہلےتو نوکری والوں کو قرض لینے کے لئے بینکوں کے چکر لگانے ہوتے تھے۔ غریب آدمی تو بینک میں جانے کا بھی نہیں سوچ سکتا تھا۔ آج بینک خود آرہے ہیں۔ انہوں نے بینک ملازمین کا شکریہ ادا کیا اور ان کے کام کی تعریف کی۔
پٹری دوکانداروں سے آن لائن بات چیت کے و قرضوں کی تقسیم کے دوران مسٹر مودی نے کہا کہ ملک میں کچھ لوگ پہلے بھی غریبوں کے نام پر قرض تقسیم کرتے تھے اور یہ سبھی خود بے ایمانی کرتے تھے۔اور اس کا ٹھیکرا غریبوں کے سر پھوڑا جاتا تھا۔ آج غریب بینک سے قرض بھی لے رہا ہے اور ایمانداری سے اس کی ادائیگی بھی کررہا ہے۔ انہوں نے کہا کہ آزادی کے بعد پہلے بار غریب بینکوں سے جڑ کر ملک کی ترقی کی جانب گامزن دیکھ رہے ہیں۔
کورونا بحران میں جب بڑے بڑے ممالک نے گھٹنے ٹیک دئیے تو یہی جنرل زمرے کی بنیاد پر ملک مضبوطی کے ساتھ کھڑا رہا۔ جلد ہی ملک کورونا بحران سے نکل جائے گا۔ ہم اب جیت کی راہ پر ہیں۔جب تک ہم ٹھیک طرح سے جیت نہیں جاتے تب تک دو گز کی دوری ماسک ضروری ہے۔ حکومت سب کا ساتھ،سب کا وکاس کے تحت غریبوں کی زندگی بہتر کرنے کے ہر ممکن اقدام کررہی ہے۔
وزیر اعظم نے کہا کہ اس طرح کی اسکیم آزادی کے بعد پہلی بار بنی ہےغریب بھائی۔بہنوں کو کیسے کم سے کم تکلیف اٹھانا پڑے،حکومت کی یہی فکر ہے۔ اسی سوچھ کے ساتھ ملک نے 1لاکھ 70ہزار کروڑ سے غریب بہبود اسکیم شروع کی ہے۔
یواین آئی۔ولی