ElectionPosted at: Dec 13 2018 11:57PM کمل ناتھ ہوں گے مدھیہ پردیش کے نئے وزیر اعلی
بھوپال، 13 دسمبر (یواین آئی) مدھیہ پردیش میں آج رات کانگریس کے نو منتخب اراکین اسمبلی کی میٹنگ میں ریاستی کانگریس صدر کمل ناتھ کو پارٹی اراکین کا لیڈر منتخب ہونے کا باقاعدہ اعلان کیا گیا۔ مسٹر کمل ناتھ اب ریاست کے نئے وزیر اعلی ہوں گے۔
رات ساڑھے دس بجے کے بعد پردیش کانگریس کے دفتر میں کافی گہما گہمی کے درمیان ہونے والی میٹنگ میں پارٹی کے مرکزی مشاہد اے کے انٹونی نے مسٹر کمل ناتھ کو پارٹی اراکین کا لیڈر منتخب ہونے کی اطلاع دی۔ اس سے قبل کل ہونے والی پارٹی اراکین کی میٹنگ میں ایک قرارداد متفقہ طور پر منظور کیا گیا تھا، جس میں کانگریس صدر راہل گاندھی کو پارٹی اراکین کا لیڈر منتخب کرنے کے لئے اختیار دیا گیا تھا۔
اس موقع پر سینئر لیڈر کمل ناتھ کے علاوہ مسٹر جیوتی رادتیہ سندھیا، دگ وجے سنگھ اور ارون یادو بھی موجود تھے۔
یو این آئی،اظ