OthersPosted at: Jan 14 2020 7:13PM سی اے اے پر مٹھی بھر لوگ بھرم پھیلا رہے ہیں : یوگی
گیا 14 جنوری ( یواین آئی)اتر پردیش کے وزیراعلیٰ اور بھارتیہ جنتا پارٹی ( بی جے پی) کے سنیئر لیڈر یوگی آدتیہ ناتھ نے اپوزیشن پر شہریت ترمیمی ایکٹ ( سی اے اے ) کے سلسلے میں بھرم پھیلانے کا الزام عائد کرتے ہوئے کہاکہ ملک مخالف طاقتیں ایسے وقت میں لوگوںکو گمراہ کر رہی ہیں جب ہندوستان ترقی کی جانب گامزن ہے۔
بی جے پی لیڈر نے یہاں سی اے اے کی حمایت میں منعقدہ اجلاس کو خطاب کرتے ہوئے کہاکہ یہ کسی کی شہریت چھیننے والا بھی نہیں بلکہ شہریت دینے والا قانون ہے ۔ انہوںنے دعویٰ کیاکہ اس قانون سے کسی کو بھی خوف زدہ ہونے کی ضرورت نہیں ہے ۔ یوگی آدتیہ ناتھ نے کہاکہ جس قانون کو ترمیم کرکے لانے میں اہم کردار نبھانے کیلئے وزیراعظم نریندر مودی اور وزیر داخلہ امت شاہ کی تعریف ہونی چاہئے تھی بجائے اپوزیشن اور کچھ مٹھی بھر لوگوں کے ذریعہ اس قانون کے خلاف بھرم پھیلایاجارہا ہے ۔ یہ لوگ ایک خاص کمیونیٹی کو گمراہ کرنے میں مصروف ہیں لیکن جھوٹ کتنا بھی پھیلایاجائے وہ کبھی سچ نہیں ہوسکتا ۔ انہوںنے کہاکہ ملک مخالف طاقتیں ایسے وقت میں لوگوں کو گمراہ کر نے میں مصروف ہیں جب ہندوستان ترقی کی جانب گامزن ہے ۔
یواین آئی۔۔ قمر۔۔۔