(24فروری سالگرہ کے موقع پر)
ممبئی، 23 فروری (یو این آئی) ہمہ جہت صلاحیت کی مالک پوجا بھٹ نے نہ صرف اداکاری میں شہرت حاصل کی بلکہ فلمسازی اور ہدایت کاری میں بھی اپنی بہترین صلاحیت سے شائقین کو اپنا دیوانہ بنایا۔

پوجا بھٹ کی پیدائش 24 فروری 1972 کو ممبئی میں ہوئی۔
ان کے والد مہیش بھٹ ہندی فلموں کے معروف ڈائریکٹر و پروڈیوسر ہیں۔

پوجا بھٹ نے اپنے کیرئر کا آغاز محض 17سا ل کی عمر میں اپنے والد کی ٹیلی فلم ’ڈیڈی‘ سے کیا تھا۔
یہ فلم ایک شرابی باپ اور اس کی بیٹی کے رشتے پر مبنی تھی۔
اس فلم میں شرابی باپ کا رول انوپم کھیر نے ادا کیا تھا۔
پوجا نے اپنی پہلی ہی فلم میں ادکاری کا لوہا منوایا۔
اس فلم کو ناظرین نے بہت پسند کیا تھا۔

پوجا بھٹ کو فلموں میں اصل شناخت فلم ’دل ہے کہ مانتا نہیں‘ سے ملی۔
یہ فلم آسکر وننگ فلم ’اٹ ہپینڈ ون نائٹ‘ ‘کا ری میک تھی۔
یہ فلم پوجا کے کیرئر کی سپر ہٹ فلم ثابت ہوئی۔
مہیش بھٹ کی ہدایت کاری میں بنی اس فلم میں پوجا کے اپوزٹ عامر خان تھے۔
اس فلم کے لئے پوجا بھٹ کو بہترین اداکارہ کے فلم فیئر ایوارڈ سے نوازا گیا۔

سال 1991 میں پوجا بھٹ کی ایک فلم ’سڑک‘ ریلیز ہوئی۔
یہ فلم بھی سپر ڈوپر ہٹ ثابت ہوئی۔
یہ فلم بھی ان کے والد مہیش بھٹ کی ہدایت کاری میں بنی تھی۔
اس فلم میں ان کے ہیرو کا کردار سنجے دت نے ادا کیا تھا۔
سال 1992 میں ان کی ایک اور ٹیلی فلم پھر تیری کہانی یاد آئی ریلیز ہوئی۔
اس فلم کو بھی ناظرین نے کافی پسند کیا۔

جاری۔
یو این آئی۔
ایم جے۔