NationalPosted at: Apr 25 2018 11:25PM شہروں کی ضروریات کو پورانے کیلئے سرکاری ادارے سرگرم ہوں: پوری
نئی دہلی،25اپریل (یو این آئی) رہائش اور شہری امور کے مرکزی وزیر ہردیپ سنگھ پوری نے آج کہاکہ شعبہ رہائش اور شہروں کی ضروریات کو پوراکرنے کے لئے سرکاری اداروں کو سرگرمی سے کام کرنا چاہئے۔
مسٹر پوری نے یہاں ہاوسنگ اینڈ اربن ڈیولپمنٹ کارپوریشن (ہڈکو) کی 48ویں یوم تاسیس تقریب سے خطاب کرتے ہوئے کہاکہ 2022تک سب کو رہائش گاہ دستیاب کرانے کا ہدف حاصل کرنے کے لئے سرکاری اداروں کو اپنی سرگرمیاں بڑھانی چاہئیں اور زیادہ سے زیادہ علاقہ اور لوگوں کو اپنے دائرہ میں لینا چاہئے۔
انہوں نے کہاکہ شہروں کے ترقی یافتہ شکل اختیار کرنے کی امیدوں کو پورا کرنے کیلئے ہڈکو سمیت سرکاری اداروں کو توقعات کی تکمیل کے لئے آگے آنا چاہئے۔َشہری یونٹیں سب کے لئے رہائش اور بنیادی ڈھانچہ تیار کرنا چاہتی ہیں۔ ہڈکو جیسے اداروں کے لئے یہ ایک موقع ہے۔
اس موقع پر رہائش اور شہری امور کی مرکزی وزارت میں سکریٹری درگا شنکر مشر اور ہڈکو کے چیرمین اور منیجنگ ڈائرکٹر روی کانت اور دیگر سینئر حکام موجود تھے۔ تقریب میں مسٹر پوری نے رہائش اور بنیادی شعبہ کے فروغ میں ہڈکو کے مختلف ملازمین اور دفاترکو ان کی خدمات کے لئے ایوارڈ بھی دےئے۔
یو این آئی ۔ م ع۔1925