NationalPosted at: Oct 11 2018 9:23PM رافیل پر پردہ ڈالنے کی کوشش شروع : راہل
نئی دہلی، 11اکتوبر (یو این آئی) کانگریس کے صدر راہل گاندھی نے الزام لگایا ہے کہ وزیر دفاع نرملا سیتارمن فرانس کے دورہ پر ہیں اور حکومت رافیل سودے کی اصلیت چھپانے میں مصروف ہے۔
مسٹر گاندھی نے جمعرات کو ٹوئٹ کیا کہ رافیل سودے کی اصلیت چھپانے کا کام شروع ہوگیا ۔ اس سودے کو جائز ٹھہرانے کی کوشش کی جارہی ہے۔ وزیر دفاع فرانس کے ساتھ تصوری میٹنگ کی تفصیلات تیار کرکے دونوں فریق اسے میڈیا میں دینے پر رضامندی ظاہر کریں گے۔ وزیر دفاع کل رات فرانس کے لئے روانہ ہوچکی ہیں۔
کانگریس کے صدر نے اس سے پہلے یہاں پارٹی ہیڈکوارٹر میں منعقدہ پریس کانفرنس میں بھی وزیر دفاع کے ا س دورہ پر حملہ کیا اور کہاکہ جب رافیل سودے میں بدعنوانی پر سوال اٹھ رہے ہیں ، وزیر دفاع فرانس کے دورہ پر ہے، اس سے شبہ پیدا ہوتا ہے ۔ انہوں نے کہاکہ نرملا سیتا رمن جی فرانس گئی ہیں ۔ بتائیے ایسی کوئی ایمرجنسی تھی کہ وزیر دفاع کو فرانس میں دسالٹ فیکٹری جانا پڑا ہے ؟ تو آپ سمجھ سکتے ہیں کہ کیا ہورہا ہے ۔ میڈیا کو دبایا جارہا ہے اور ہندستان کی وزیر دفاع بغیر وجہ بتائے فرانس جارہی ہیں۔ اس سے صاف میسج کیا ہوسکتا ہے؟
یو این آئی ۔ م ع۔ 1930