NationalPosted at: Jan 22 2022 10:09PM اتراکھنڈ میں ’آکانشا سپر 30‘ پروجیکٹ پر ریل ٹیل کا عملدرآمد
نئی دہلی، 22 جنوری (یو این آئی) ریلوے کی وزارت کے تحت مرکزی حکومت کا پی ایس یو ریل ٹیل کارپوریشن آف انڈیا اتراکھنڈ کے دہرادون میں پسماندہ طلباء کی سہولت کے لیے ’ریل ٹیل۔’آکانشا سپر 30‘ پروجیکٹ کو نافذ کر رہی ہے۔
ریل ٹیل کے چیئرمین اور منیجنگ ڈائریکٹر پونیت چاولہ نے بتایا کہ یہ کمپنی کی طرف سے شروع کی جانے والی کارپوریشن سماجی ذمہ داری (سی ایس آر) سرگرمیوں میں سے ایک ہے۔ ریل ٹیل اس پروجیکٹ کو دہلی واقع این جی او ’سینٹر فار سوشل ریسپانسیبلٹی اینڈ لیڈرشپ‘ (سی ایس آر ایل) کے تعاون سے نافذ کر رہا ہے۔ انہوں نے کہا کہ ریل ٹیل سی ایس آر پہلوں کے ذریعے معاشرے کے تئیں اپنی ذمہ داریوں کو نبھانے کے لیے مخلصانہ کوششیں کرنے کے لیے پرعزم ہے۔
یو این آئی۔ این یو۔