NationalPosted at: Dec 16 2018 6:30PM داخلی سلامتی میں بہتری آئی: راج ناتھ
نئی دہلی، 16 دسمبر (یو این آئی) وزیر داخلہ راج ناتھ سنگھ نے آج کہا ہے کہ حکومت کی کوششوں سے گزشتہ چار برسوں کے دوران داخلی سلامتی میں وسیع پیمانے پر بہتری آئی ہے۔
مسٹر راج ناتھ سنگھ ’وجے دیوس‘ کی تقریب سے خطاب کرتے ہوئے کہا کہ ملک کے نکسلی دہشت گردی 90 سے زیادہ اضلاع سے کم ہوکر 12 میں سمٹ گئی ہے جبکہ شمالی مشرق میں انارکی میں 80 فیصدکی کمی آئی ہے اور پاکستان کے جانب سے جنگ بندی کی خلاف ورزی کے موثر جواب دینے کے لئے سرحدی سلامتی فورس (بی ایس ایف) کو پوری آزادی دی گئی ہے۔
وزیر داخلہ نے کہاکہ سابق فوجی ہمارے نوجوانوں کے درمیان قومی فخر کے جذبات ابھارنے میں اہم کردار ادا کرسکتے ہیں۔ مہاویر چکر ایوارڈ یافتہ بریگیڈیر محمد عثمان اور ہندوستان کے پہلے پرم ویر چکر ایوارڈ یافتہ میجر سومناتھ شرما کی بہادری کی تعریف کرتے ہوئے انہوں نے دکھ کا اظہار کرتے ہوئے کہا کہ آج کے نوجوانوںکے رول ماڈل کرکٹ کھلاڑی اور فلمی ستارے ہیں لیکن پرم ویر چکر ایوارڈ یافتہ کا نام پوچھنے پر انہیں ایک کا بھی نام یاد نہیں ہے۔
جاری۔یو این آئی۔ ظ ا۔