NationalPosted at: Jan 31 2018 10:44AM روی داس جینتی پر کووند ،مودی کی نیک خواہشات
نئی دہلی، 31 جنوری ( یواین آئی) صدر رام ناتھ كووند اور وزیر اعظم نریندر مودی نے آج ملک کے عوام کو گروروی داس کی جینتی پر نیک خواہشات کا اظہار کیا۔مسٹر كووند نے ٹویٹ کر کے کہا "تمام ہم وطنوں کو گرو روی داس کی جینتی پر نیک خواہشات ۔ مساوات، اتحاد اور سماجی ہم آہنگی کی ان کی تعلیم اور پیغام ملک کو تحریک دیتی ہیں‘‘۔ مسٹر مودی نے روی داس جینتی پر ملک کے باشندوں سے نیک خواہشات کا اظہار کرتے ہوئے بہت سے ٹویٹ کئے۔ انہوں نے کہا "میں گرو روی داس جی کی جینتی پر انہیں سلام کرتا ہوں۔گرو روي داس ہماری زمین میں پیدا ہونے والے سب سے مہان سنتوں میں سے ایک تھے۔ وہ ایک ایسا معاشرہ تشکیل دینا چاہتے تھے جہاں مساوات اور برابری ہو۔ ان کےتعلیمات ابدی ہیں اور سماج کے تمام طبقات کے لئے موزوں ہیں‘‘۔ وزیر اعظم نے کہا گرو روی داس نے ہمارے سماج میں بہت سی مثبت تبدیلیاں کیں۔انہوں نے ان طریقوں پر سوال اٹھایا جو پرانے اور دقیانوسی تھے،انہوں نے لوگوں کو وقت کے ساتھ تبدیلی لانے کے لئے حوصلہ افزائی کی۔وقت کے ساتھ تبدیلی لاکر آگے بڑھنا ہی عظمت ہے۔ مسٹر مودی نے کہا کہ گرو روی داس ہم آہنگی اور بھائی چارے کی اقدار پر یقین رکھتے تھے۔ وہ کسی بھی قسم کے امتیازی سلوک میں یقین نہیں کرتے تھے۔جب ہم سب کا ساتھ، سب کا وکاس کے نعرہ کے ساتھ کام کرتے ہیں تو ہر انسان میں خاص طور پر غریبوں کی خدمت کرنے کا جذبہ ہوتا ہے جو گرو روی داس کی جانب سے حوصلہ افروز ہیں۔انہوں نے گرو روی داس کے پیغام کو شیئر کیا۔’ایسا چاہوں راج میں جہاں ملئے سبن کو ان ،چھوٹا سب سم بسے ریداس رہے پرسن ‘’(میں ایسی ریاست کا خواہاں ہو جہاں سب کھانے کو ملے،چھوٹا بڑا سب برابری کے ساتھ رہے،اسی سے رےداس خوش رہے گا)یو این آئی،اظ 1015 مسٹر مودی نے ٹوئٹر پر گرو روی داس کو سلام کرتے ہوئے اپنی ایک تصویر بھی شیئر کی ہے۔
یو این آئی،اظ 1020