NationalPosted at: Jan 12 2018 11:16PM کشمیر ی طالب علموں کو ریاست کا نقشہ دکھانے پر جنرل راوت معترض
نئی دہلی، 12 جنوری (یو این آئی) فوجی سربراہ جنرل بیپن راوت نے آج کہا کہ جموں وکشمیر کے اسکولوں میں مکمل ہندوستان کے بجائے جموں وکشمیر کا نقشہ الگ سے دکھا کر طالب علموں کے ذہن میں غلط باتیں بٹھائی جارہی ہیں۔
جنرل راوت نےیہاں ایک پریس کانفرنس میں کہا کہ ’’جموں وکشمیر کے اسکولوں میں مدرسین جو کچھ پڑھارہے ہیں وہ نہیں پڑھایاجانا چاہئے۔ اسکولوں میں دو نقشے دیکھے جاسکتے ہیں۔ ایک ہندوستان کا اور دوسرا جموںوکشمیر کا۔ ہمیں ریاست کے الگ سے نقشے کی ضرورت کیوں ہے؟‘‘
انہوں نے مزید کہا کہ کسی بھی دوسری ریاست میں طالب علموں کو ہندوستان کے ساتھ اس ریاست کا نقشہ برائے طالب نہیں دکھایا جاتا ہے۔انہوں نے کہا کہ اس سے طالب علموں کے دماغ میں یہ بات گھر کرے گی کہ وہ ملک کے دوسروں بچوں سے الگ اور منفرد ہیں۔
جنرل راوت نے مزید کہا کہ فوجی اسکول اس مسئلے سے نمٹنے میں مددگار ہوسکتے ہیں کیونکہ فوجی اسکولوں میں اس طرح کی تعلیم نہیں دی جاتی۔
یو این آئی۔ سلام۔ ظ ا۔