OthersPosted at: Aug 12 2020 3:34PM ڈالر کے مقابلے روپیہ پانچ پیسے کمزور
ممبئی، 12 اگست (یو این آئي) دنیا کی دیگر اہم کرنسیوں کے مقابلے ڈالر کی مضبوطی اور خام تیل میں زبردست تیزی کی وجہ سے انٹر بینکنگ کرنسی مارکیٹ میں آج روپیہ پانچ پیسے پھسل کر 74.83 روپے فی ڈالر کی سطح پر آگیا۔
ہندوستانی کرنسی گزشتہ تین دنوں میں 16 پیسے اضافے کے بعد آج گراوٹ کا شکار ہوئی ہے۔ گزشتہ کاروباری روز اس کی قیمت 12 پیسے اضافے کے ساتھ 74.78 روپے فی ڈالر ہوگئی تھی۔
روپیہ آج فی ڈالر 74.78 روپے کی مضبوط سطح پر کھلا۔ پورے کاروباری دن میں، یہ فی ڈالر 74.93 روپے اور 74.78 روپے کے درمیان رہا۔ آخر میں روپیہ پانچ پیسے کی کمی سے 74.83 روپے فی ڈالر کی سطح پربند ہوا۔
دنیا کی دوسری بڑی کرنسیوں کے ٹوکری میں ڈالر انڈیکس کی مضبوطی سے روپیہ پر دباؤ پڑا۔ بین الاقوامی مارکیٹ میں، خام تیل میں ایک فیصد تیزي بھی روپیہ کی گراوٹ کا سبب بنی۔
یو این آئی۔ م ش۔ 1525