RegionalPosted at: May 20 2019 12:27PM راہل گاندھی کا مذاق ملک کو پسند نہیں آیا:وشنودیو سائے
پتھل گاؤں،20مئی(یواین آئی)مرکزی وزیر وشنو دیو سائے نے آج کہا کہ لوک سبھا انتخابات میں کانگریس صدر راہل گاندھی کے ذریعہ وزیراعظم نریندرمودی کے اہم فیصلوں کا مذاق اڑا کر سپریم کورٹ میں معافی مانگ لینا ملک کے عوام کو پسند نہیں آیا۔
مسٹر سائے نے آج اپنے آبائی گاؤں بگیا میں نامہ نگاروں سے بات چیت کے دوران کہا کہ ایگزٹ پول میں بھارتیہ جنتا پارٹی کی قیادت والے قومی جمہوری اتحاد کو بھاری اکثریت کے ساتھ مرکز میں اقتدار میں واپسی کا اشارہ دئے جانے کا واضح مطلب ہے کہ وزیراعظم مسٹر مودی کے سبھی بڑے فیصلوں کو ملک کے عوام نے صحیح ٹھہرایا ہے۔
انہوں نے ایگزٹ پولکو صحیح ٹھہراتے ہوئے کہا کہ کانگریس کے صدر اپنے انتخابی جلسوں میں مرکزی حکومت کے اہم فیصلوں کا مذاق اڑاتے تھے۔ اس کے بعد سپریم کورٹ کے سامنے انہوں نے معافی مانگی۔کانگریس صدر کی یہ باتیں ملک کے ووٹروں کو کافی ناگوار گزریں۔اسی وجہ سے غیر بی جےپی حکومت والی ریاست چھتیس گڑھ،اڈیشہ ،مغربی بنگال،مدھیہ پردیش اور دیگر ریاستوں کے ووٹروں نے بھی کانگریس پارٹی کو مسترد کردیا ہے۔
انہوں نے دعوی کیا کہ بی جےپی کو ان سروے سے بھی زیادہ سیٹیں ملیں گی اور ملک میں وزیراعظم نریندرمودی کی قیادت میں بھارتیہ جنتا پارٹی کی حکومت بنے گی۔
یواین آئی۔اےایم۔