۔
۔
۔
سالگرہ 8مارچ کے موقع پر ۔
۔
۔
ممبئی ،7مارچ (یواین آئی) ساحر لدھیانوی بالی ووڈ کی فلموں کے پہلے ایسے نغمہ نگار ہیں جن کا نام ریڈیو سے نشر ہونے والے فرمائشی فلمی نغموں کے تعارف میں شامل کیا گیا۔
ورنہ اس سے پہلے کسی نغمہ نگار کو ریڈیو پر فرمائشی نغموں میں کریڈٹ نہیں دیا جاتا تھا۔
اشتراکی آئیڈیا لوجی پر یقین رکھنے والے ساحر نے اس کی زبردست اور کامیاب مخالفت کی جس کے بعد ریڈیو پر نشر کئے جانے والے فلمی نغموں میں گلوکار اور موسیقار کے ساتھ ساتھ نغمہ نگاروں کا تعارف بھی پیش کیا جانے لگا۔
ساحر اس لحاظ سے بھی پہلے فلمی نغمہ نگار ہیں جنہوں نے نغمہ نگاروں کیلئے رايلٹي کا انتظام کرایا۔
پنجاب کے لدھیانہ شہر میں8 مارچ 1921 کو ایک زمیندار خاندان میں پیدا ہونیوالے عبد الحئی ساحر کی زندگی کافی تنازعات میں گزری۔
ساحر نے لدھیانہ کے خالصہ اسکول سے میٹرک پاس کیا۔
اس کے بعد گورنمنٹ کالج لدھیانہ سے میں داخلہ لیا۔
کالج کے زمانے سے ہی انہوں نے شاعری کا آغاز کردیاتھا۔
مشہور پنجابی مصنفہ امرتا پریتم کالج میں ساحر کے ساتھ ہی پڑھتی تھیں ۔
وہ ان کی شاعری کی مداح بن گئیں اور ان سے محبت کرنے لگیں۔
امرتا پریتم کے والد کو ساحر اور امرتا کے تعلق پر اعتراض تھا اور اس کی وجہ یہ تھی کہ ساحر مسلم تھے اور امرتا سکھ ۔
اس طرح امرتا پریتم کے عشق میں کالج سے نکالے جانے پر ساحر نے لاہور کا رُخ کیا جہاں ان کا پہلا شعری مجموعہ ’تلخیاں‘1945میں منظرعام پر آیا ۔
اس درمیان ساحر نےانجمن ترقی پسند مصنفین سے منسلک ہوکر ادبِ لطیف، شاہکار اور سویراجیسےکئی مقبول اردو رسائل نکالےلیکن سویرا میں ان کےانقلابی خیالات کو دیکھ کر حکومت پاکستان نے ان کے خلاف گرفتاری کا وارنٹ جاری کر دیا۔
اس کے بعد وہ 1949میں ممبئی آ گئے۔
جاری یو این آئی ۔
اے ایم۔
سلام