ممبئی 3 جولائی (یو این آئی) ہندی سنیماکی مشہورو معروف کوریوگرافر سروج خان کے انتقال پر بالی وڈکے فنکاروں نے اظہارافسوس کیا ہے۔

فلم انڈسٹری میں ماسٹر جی کے نام سے مشہور سروج خان کے انتقال سے پوری فلمی دنیا میں غم کی لہر دوڑ گئی ہے ۔
بالی ووڈ فلمی ستاروں نے سوشل میڈیا پر سروج خان کی موت پر خراج عقیدت پیش کیا ہے۔

بالی ووڈ کے سپراسٹار امیتابھ بچن نے سروج خان کے جانے پر اظہارافسوس کیا ہے۔
امیتابھ نے سروج خان کا نام نہیں لکھا لیکن ان کے پوسٹ سے ہی اندازہ ہوتا ہے کہ وہ کوریوگرافر کے جانےسے بہت افسردہ ہیں۔
بگ بی نے ٹویٹ کرتے ہوئے لکھا ’’ہاتھ جڑے ہوئے ہیں، دل پریشان ہے۔

اکشے کمار نے لکھا ’’اس بری خبر کے ساتھ بیدار ہوا ہوں کہ کوریوگرافر سروج خان جی نہیں رہیں۔
اس نے رقص کو بہت آسان بنادیا جیسے کوئی بھی رقص کر سکتا ہے۔
انڈسٹری کو ایک بہت بڑا نقصان۔
بھگوان ان کی روح کو سکون پہنچائے‘‘۔

جاری۔
یو این آئی۔
شا پ۔
1305