image
Sunday, Aug 19 2018 | Time 01:42 Hrs(IST)
National Share

سعودی عرب ہندوستان کی تیل کی اضافی ضرورت پورا کرنے کے لئے تیار

سعودی عرب ہندوستان کی تیل کی اضافی ضرورت پورا کرنے کے لئے تیار

نئی دہلی، 10اگست (یو این آئی)امریکہ کی طرف سے ایران کے خلاف عائد پابندیوں کے سبب اگر ہندوستان کوخام تیل کی درآمد متاثر ہوتی ہیں تو سعودی عربیہ اسے تیل کی اضافی سپلائی کرنے کے لئے تیار ہے۔ان خیالات کا اظہار ہندوستان میں سعودی سفیر نے کیا ہے۔
سعودی سفیر ڈاکٹر سعود بن محمد الساطی نے یہاں گذشتہ روز صحافیوں کے ایک گروپ سے بات چیت کرتے ہوئے کہا کہ’ سعودی عربیہ توانائی کے شعبے میں ہندوستان کا ہمیشہ مضبوط پارٹنر رہا ہے۔ہم ہندوستان اور دیگر ملکوں کو توانائی کے مسلسل اور معتبر پارٹنر رہے ہیں۔ اگر ہندوستان سمیت ہمارے کسی بھی کسٹمر کو تیل کی ضرورت پڑتی ہے تو ہم اسے پورا کرنے کے لئے ہمیشہ تیار ہیں۔‘‘ ڈاکٹر الساطی سے پوچھا گیا تھا کہ امریکہ کی طرف سے ایران پر پابندی کی صورت میں کیا ان کا ملک ہندوستان کی تیل کی ضرورت کو پورا کرنے کے لئے تیا رہے۔
ڈاکٹر الساطی نے تاہم کہا کہ انہیں ہندوستان کی طرف سے اضافی تیل درآمد کرنے کی کسی درخواست کا فی الحال کوئی علم نہیں ہے۔
خیال رہے کہ امریکہ نے ایران پر پابندی عائد کرنے کے بعد پچھلے دنوں کہا تھا کہ وہ چاہتا ہے کہ ہندوستان اور دیگر ممالک ایران سے خام تیل کی خریداری کم کردیں اور چار نومبر تک اسے پوری طرح بند کردیں۔واضح رہے کہ ایران ہندوستان کو توانائی سپلائی کرنے والا دوسرا سب سے بڑا ملک بن گیا ہے۔ مئی میں ہندوستان نے تہران سے یومیہ 771000 بیرل خام تیل درآمد کئے جو کہ اس سے پچھلے ماہ یعنی اپریل کے مقابلے میں 35 فیصد زیادہ تھے۔
دونوں ملکوں کے باہمی تعلقات کا ذکر کرتے ہوئے ڈاکٹر الساطی نے کہا کہ ہندوستان اور سعودی عرب کے درمیان باہمی تعلقات نہایت شاندار ہیں اور ان میں روز بروز ترقی ہورہی ہے۔ انہوں نے کہا کہ دونوں ملکوں کے مابین سرمایہ کاری سے لے کر سیکورٹی تعاون اور ثقافتی سے لے کرعوام اور عوام کے درمیان قریبی تعلقات ہیں اور ان میں مسلسل اضافہ ہورہا ہے۔انہوں نے مزید کہا کہ ’’ ہندوستانی سعودی عربیہ میں کافی اہم رول ادا کررہے ہیں۔ تمام شعبوں میں ان کی موجودگی دیکھی جاسکتی ہے۔ ہمارے ملک میں ہر دس میں سے ایک شخص ہندوستانی ہے اور یہ دونوں ملکوں کے مابین قریبی دوستی کا مظہر ہے۔‘‘
خیال رہے کہ سعودی عربیہ میں 3.2 ملین ہندوستانی رہتے ہیں جو وہاں رہنے والی غیرملکی تارکین وطن کی سب سے بڑی تعداد ہے۔سعودی عرب ہندوستان کا چوتھا سب سے بڑا تجارتی پارٹنر بھی ہے۔2016-17 میں دونوں ملکوں کے مابین 25بلین ڈالر سے زیادہ کی تجارت ہوئی تھی۔
کناڈا اور سعودی عرب کے درمیان حالیہ تنازع کے متعلق ایک سوال کے جواب میں سعودی سفیر کا کہنا تھا کہ ’کناڈا کو بین الاقوامی روایات او رضابطوں کا خیال رکھنا چاہئے تھا۔‘
یو این آئی ج ا

خاص خبریں
مودی نے کیرالہ کے لئے 500 کروڑ روپے کی عبوری امداد کا اعلان کیا

مودی نے کیرالہ کے لئے 500 کروڑ روپے کی عبوری امداد کا اعلان کیا

کوچی، 18 اگست (یو این آئی) وزیر اعظم نریندر مودی نے سیلاب کے قدرتی آفات کے سامنا کرناے والے کیرالہ کو 500 کروڑ روپیہ کی عبوری مدد کا اعلان کیا۔

...مزید دیکھیں
مرکزکیرلہ میں سیلاب کوقومی آفت قرار دے : کانگریس

مرکزکیرلہ میں سیلاب کوقومی آفت قرار دے : کانگریس

نئی دہلی،18 اگست(یو این آئی) کانگریس نے مرکزی حکومت سے سیلاب سے متأثر کیرلہ کی ترجیحی بنیاد پر مدد کرنے کی اپیل کرتے ہوئے کہا کہ ریاست میں تباہ کن سیلاب اور جانی و مالی نقصان کو مدنظر رکھتے ہوئے اسے قومی آفت قرار دے۔

...مزید دیکھیں
کیرالہ  کے سیلاب کو قومی آفت  قرار دیں مودی: راہل گاندھی

کیرالہ کے سیلاب کو قومی آفت قرار دیں مودی: راہل گاندھی

نئی دہلی، 18 اگست (یو این آئی) کانگریس صدر راہل گاندھی نے کیرالہ میں سیلاب کی وجہ سے ہونے والی تباہی کو دیکھتے ہوئے وزیر اعظم نریندر مودی سے ریاست کے سیلاب کوقومی آفت قرار دینے کا مطالبہ کیا ہے۔

...مزید دیکھیں
ماریشش میں گیارہویں بین الاقوامی ہندی کانفرنس کا آغاز

ماریشش میں گیارہویں بین الاقوامی ہندی کانفرنس کا آغاز

از: اشوک اپادھیائے
گوسوامی تلسی داس نگر ( ماریشس)18 اگست ( یو این آئی ) ہندی کی ترویج و اشاعت ، تحفظ اور فروغ کے عزم کے ساتھ تین روزہ گیارہویں بین الاقوامی ہندی کانفرنس آج یہاں شروع ہو ئی۔

...مزید دیکھیں
رافیل سودے پر ملک بھر میں تحریک چلائے گی کانگریس

رافیل سودے پر ملک بھر میں تحریک چلائے گی کانگریس

نئی دہلی، 18 اگست (یو این آئی)کانگریس نے رافیل طیارہ کے ہزاروں کروڑ روپے کے سودے میں زبردست بدعنوان کا الزام لگاتے ہوئے آج کہا کہ اس کے خلاف ملک بھر میں آندولن چلایا جائے گا۔

...مزید دیکھیں
وراٹ اور رہانے سنچری سے چوکے

وراٹ اور رہانے سنچری سے چوکے

ناٹنگھم،18اگست (یو این آئی) ہندستان نے انگلینڈ کے خلاف تیسرے کرکٹ ٹیسٹ میچ کے پہلے دن کپتان وراٹ کوہلی ( 97) اور نائب کپتان اجنکیا رہانے (81) کی شاندار اننگز اور دونوں کے مابین چوتھے وکٹ کے لئے 159رن کی شاندار شراکت داری کی بدولت چھ وکٹ پر 307رن کا باعزت اسکور بنا لیا ۔

...مزید دیکھیں
صدر کے اسٹنٹ اور ثقافتی جھلکیوں کے ساتھ ایشیاڈ کا آغاز

صدر کے اسٹنٹ اور ثقافتی جھلکیوں کے ساتھ ایشیاڈ کا آغاز

جکارتہ، 18 اگست (یو این آئی) انڈونیشیا کے صدر جوکو ویدودو کے موٹر سائیکل پر گیلورا بُنگ کارنو اسٹیڈیم پہنچنے اور انڈونیشیا کی ثقافتی جھلکیوں کے بیچ 18 ویں ایشیائی کھیلوں کا آج یہاں رنگا رنگ آغاز ہوا جس میں 45 ملکوں کے 10 ہزار سے زیادہ کھلاڑی حصہ لے رہے ہیں۔

...مزید دیکھیں

عمران نے پندرہ وزرا اور پانچ مشیروں کے ناموں کو منظوری دی

18 Aug 2018 | 11:45 PM

اسلام آباد، 18اگست (یو این ائی)پاکستان کے نئے وزیراعظم عمران خان نے سنیچر کو 15 کابینی وزرا اور پانچ مشیروں کے ناموں کو منظوری دے دی۔

ہندستانی لڑکیاں سیف انڈر۔15چیمپئن بنیں

ہندستانی لڑکیاں سیف انڈر۔15چیمپئن بنیں

18 Aug 2018 | 11:52 PM

تھمفو (بھوٹان)،18اگست (یو این آئی) ہندستان کی انڈر۔15 لڑکیوں نے شاندار کارکردگی کا مظاہرہ کرتے ہوئے سنیچر کو گزشتہ چیمپئن بنگلہ دیش کو 0-1سے شکست دیکر سیف انڈر ۔15فٹبال چیمپئن شپ کا خطاب جیت لیا۔

پرینکا کی نک سے منگنی

18 Aug 2018 | 5:30 PM

ممبئی، 18 اگست (یو این آئی) بالی وڈ کے ساتھ ہالی وڈ میں بھی اپنی اداکاری کے جلوے دکھانے والی اداکارہ پرینکا چوپڑہ نے خود سے 11 برس چھوٹے نک جونس کے ساتھ سنیچر کو منگنی کرلی۔

image