NationalPosted at: Jan 30 2018 6:53PM سشماسوراج کا یکم فروری سے نیپال کا دوروزہ دورہ
نئی دہلی، 30 جنوری (یواین آئی) نیپال کے ساتھ ہندوستان کے دو طرفہ تعلقات کو مضبوط کرنے کی کوششوں کے سلسلہ میں وزیر خارجہ سشما سوراج یکم فروری سے نیپال کے دو روزہ دورے پر روانہ ہوں گی۔وزارت خارجہ نے ایک بیان میں اس دورہ کی اطلاع دی۔
بیان کے مطابق مسز سوراج کے اس دورے کا مقصد ہندوستان اور نیپال کے درمیان باقاعدگی سے ہونے والی اعلی سطحی سیاسی ملاقاتوں اور سیاسی تبادلے کی روایت کو برقرار رکھنا ہے۔ وزیر خارجہ کا یہ دورہ دونوں ممالک کے درمیان بڑھتی ہوئی شراکت کے علاوہ مختلف شعبوں میں ہو رہے تعاون کی عکاسی کرتا ہے۔
مسز سوراج اپنے اس دورے کے دوران دونوں ممالک کے باہمی مفادات کے معاملات پر نیپال کے سیاسی رہنماؤں کے ساتھ تبادلہ خیال کریں گی۔
نیپال میں بائیں بازو اتحاد کی نئی حکومت کی تشکیل ہونے کے بعد مسز سوراج کا یہ پہلا سفارتی دورہ ہوگا۔
یو این آئی،اظ 1015