نئی دہلی، 22 اپریل (یو این آئی) سپریم کورٹ نے کووڈ-19 وبا کے سبب بڑھتے کیسز سے متعلق مسائل کا جمعرات کو از خود نوٹس لیا اور مرکزی حکومت سے جواب طلب کیا۔
چیف جسٹس آف انڈیا ایس اے بوبڈے، جسٹس ایل ناگیشور اور جسٹس ایس رویندر بھٹ کی بینچ نے کہا کہ اس کیسز میں مرکزی حکومت کو نوٹس جاری کیا جاتا ہے اور اس کی شنوائی کل ہوگی۔
عدالت نے کورونا وبا کی سنگین صورتحال کے مد نظر آکسیجن اور دوا کی سپلائی، ٹیکہ کاری پالیسی اور لاک ڈاؤن لگانے کے ریاستی حکومتوں کے کیسز کا از خود نوٹس لیا ہے۔
اس درمیان بینچ نے ملک کے مختلف ہائی کورٹس میں زیر التواء کیسز کو سپریم کورٹ کے پاس منتقل کرنے کی بھی ہدایت دی۔ جسٹس بوبڈے نے کہا کہ کم از کم چھ ہائی کورٹس کورونا مینیجمنٹ سے متعلق کیسز پر غور و خوض کر رہے ہیں۔ انہوں نے کہا کہ دہلی، بامبے، سکم، مدھیہ پردیش، کولکاتا اور الہ آباد ہائی کورٹس پر غور و خوض کر رہے ہیں۔ انہوں نے کہا کہ دہلی، بامبے، سکم ، مدھیہ پردیش، کولکاتا اور الہ آباد ہائی کورٹس میں اس کیسز کی الگ الگ شنوائی سے بھرم کی صورتحال پیدا ہوتی ہے۔
جسٹس بوبڈے نے سینیئر ایڈووکیٹ ہریش سالوے کو انصاف دوست مقرر کیا۔ مرکزی حکومت کی جانب سے سالسٹر جنرل تُشار مہتا پیش ہوئے۔
یو این آئی،ایم اے۔