NationalPosted at: May 25 2020 6:28PM کیا کورونا کو پتہ ہے کہ اسے طیارے میں وائرس نہیں پھیلانا ہے: سپریم کوررٹ
نئی دہلی، 25 مئی (یو این آئی) سپریم کورٹ نے بیرون ملک پھنسے ہندوستانیوں کو وطن واپس لانے والی ایئر انڈیا کی پروازوں میں سوشل ڈسٹینسِگ کا خیال نہ رکھے جانے کے سلسلے میں مرکزی حکومت اور ہوابازی کی سرکاری کمپنی ایئر انڈیا سے پیر کے روز پوچھا کہ کیا کورونا وائرس کو پتہ ہے کہ اسے طیارے میں بیٹھے مسافر کو متاثر نہیں کرنا ہے۔
عدالت عظمیٰ نے ’وندے بھارت ابھیان‘ کے تحت ہندوستانیوں کو وطن واپس لانے والی سرکاری کمپنی ایئر انڈیا کو غیر متعینہ بین الاقوامی پروازوں میں 10 دنوں کے درمیان سیٹوں پر بھی مسافر بٹھا کر لانے کی اجازت دیتے ہوئے کہا کہ اس کے بعد ایئر انڈیا کو بامبے ہائی کورٹ کے 22 مئی کے حکم کے مطابق درمیان کی سیٹیں خالی رکھنی پڑیں گی۔
چیف جسٹس شرد اروند بوبڈے، جسٹس اے ایس بوپنا اور جسٹس رشیکیش رائے کی بینچ نے عید الفطر کی چھٹی کے دن فوراً شنوائی کرتے ہوئے مرکز اور ایئر انڈیا کی جانب سے پیش ہونے والے سالسٹر جنرل تُشار مہتا کی سرزنش کرتے ہوئے کہا،’آپ کو عوام کے صحت کی فکر نہیں ہے، آپ کو ہوابازی کی کمپنی کی ’صحت‘ کی فکر زیادہ ہے‘۔
جاری۔۔۔۔یو این آئی،ایم اے