نئی دہلی، 15 مئی (یو این آئی) دہلی ہائی کورٹ نے آگسٹا ویسٹ لینڈ ہیلی کاپٹر گھپلے کے معاملے میں ملزم گوتم کھیتان کو نوٹس جاری کرکے انفورسمنٹ ڈائرکٹوریٹ (ای ڈی) کی اس درخواست پر بدھ کو جواب مانگا جس کالے دھن اور منی لانڈرنگ سے متعلق ایک معاملے میں اسے نچلی عدالت سے دی گئی ضمانت کو چیلنج کیا گیا ہے۔
جسٹس چندر شیکھرن نے کھیتان کو نوٹس جاری کیا اور ای ڈی کی اس درخواست پر ان کا موقف پوچھا جس میں نچلی عدالت کی طرف سے 16 اپریل کو انہیں دی گئی ضمانت کو مسترد کئے جانے کی مانگ کی گئی ہے۔ ای ڈی نے عدالت کو بتایا کہ کھیتان اب بھی بیرون ملک میں اپنا کالا دھن چھپائے ہوئے ہیں۔ یہ پیسہ بیرون ملک میں مختلف شیل کمپنیوں کے ذریعے بیرون ملک بھیجا گیا ہے۔ سپریم کورٹ نے معاملے کی سماعت کے لئے اگلی تاریخ 18 جولائی کو مقرر کی۔
ای ڈی نے نچلی عدالت کے فیصلے کو اس بنیاد پر چیلنج کیا ہے کہ معاشرے میں کھیتان کی حیثیت اور جرم کی سنگینی کو دیکھتے ہوئے ان گواہوں کو متاثر کرنے کا خدشہ ہے۔ وکیل ڈی پی سنگھ کے ذریعے دائر درخواست میں ایجنسی نے دلیل دی کہ جانچ بہت اہم مرحلے میں ہے کیونکہ منی لانڈرنگ معاملے میں ان کے مبینہ ساتھیوں کے کردار کی تحقیقات کی جا رہی ہے۔ ای ڈی نے کہا کہ معاملے کی جانچ اس وقت اہم مرحلے میں ہے۔ کھیتان کے خلاف انکم ٹیکس محکمہ کی طرف سے ان پر درج کیس کی بنیاد پر ایک مقدمہ درج کیا گیا۔ محکمہ نے کالا دھن (غیر اعلانیہ غیر ملکی آمدنی اور اثاثہ جات) اور ٹیکس نفاذ قانون، 2015 کی دفعات کے تحت یہ مقدمہ درج کیا تھا۔
یو این آئی۔ ع ا۔