OthersPosted at: Nov 21 2020 9:52PM شاہ نے ترقیاتی پروجیکٹوں افتتاح کیا اور سنگ بنیاد رکھا
چنئی، 21 نومبر (یو این آئی) مرکزی وزیر داخلہ اور سینئر بھارتیہ جنتا پارٹی (بی جے پی) کے لیڈر امت شاہ نے ہفتہ کے روز چنئی میں تعمیر شدہ پانچویں آبی ذخیرے کا افتتاح کیا اور چنئی میٹرو ریل پروجیکٹ کے دوسرے مرحلے کا سنگ بنیاد رکھا۔
قبل ازیں مسٹر شاہ دہلی سے یہاں پہنچے تھے۔ بعدازاں وہ یہاں کلیونر آرنگم پہنچے جہاں انہوں نے 67378 کروڑ روپئے کے انفراسٹرکچر پروجیکٹوں کا سنگ بنیاد رکھا۔ اس موقع پر تمل ناڈو کے وزیراعلی ای کے پلانی سوامی، نائب وزیر اعلی او پنیرسیلوم، دیگر وزراء اور سینئر عہدیدار بھی موجود تھے۔
تقریباً 90 منٹ تک جاری رہنے والے اس پروگرام کے دوران، مسٹر شاہ نے 380 کروڑ کی لاگت سے تعمیر کئے جانے والے تھرووئے کادی گئی آبی ذخیرے کا افتتاح کیا اور 61843 کروڑ کی لاگت سے تعمیر ہونے والے چنئی میٹرو ریل پروجیکٹ کے دوسرے مرحلے کا سنگ بنیاد رکھا۔ نو تعمیر شدہ آبی ذخیرہ شہر کے لوگوں کی ضروریات کو پورا کرنے کے علاوہ پینے کے پانی کی ضروریات کو بھی پورا کرے گا۔
یو این آئی۔ این یو۔