ممبئی، 20 فروری (یو این آئی) بالی وڈ کے کنگ خان شاہ رخ خان فلمساز آر مادھون کی ایک فلم میں خود کا کردار نبھاتے دکھائی دیں گے۔

بالی وڈ میں ایسا خیال ہے کہ آر مادھون کی آنے والی فلم ’راکٹری: دی نامبی افیکٹ‘ میں شاہ رخ کیمیو کرتے نظر آئیں گے۔
یہ فلم اسرو کے سابق سائنسداں اور ایرواسپیس انجینئر نامبی نارائن پر مبنی ہے ۔
اب فلم میں شاہ رخ کے کردار کے بارے میں ایک بڑا انکشاف ہوا ہے۔

بتایا جارہا ہے کہ شاہ رخ فلم ’راکٹری: دی نامبی افیکٹ‘ میں اپنا کردار خود ادا کرتے نظر آئیں گے۔
مادھون کی ہدایت کاری میں اور مشترکہ طور پر تیار کی گئی تھی ’راکٹری‘ پہلے 12 مارچ کو ریلیز ہونے والی تھی ، لیکن اب 2020 کے سیکنڈ ہاف میں آنے کی امید ہے۔

’راکٹری‘ کے علاوہ ، شاہ رخ ملٹی اسٹارر فلم ’برہماستر‘ میں بھی کیمیو کرتے دکھائی دیں گے۔
اس کے علاوہ سدھارتھ ملہوترا اسٹارر فلم ’شیر شاہ‘ اور راجکمار راؤ کی فلم ’چھلانگ‘ میں بھی شاہ رخ کے کیمیو کرنے کی باتیں ہورہی ہیں۔

یو این آئی۔
شا پ۔
1325