OthersPosted at: Aug 4 2020 1:22PM حصص مارکیٹ میں زبردست تیزی
ممبئی،4 اگست (یواین آئی) بیرون ملک سے ملنے والے مثبت اشاروں کے درمیان منگل کی صبح گھریلو اسٹاک مارکیٹوں میں صبح سے ہی تیزی رہی اور دوپہر تک بی ایس ای سینسیکس میں 600 پوائنٹس اور نیشنل اسٹاک ایکسچینج کے نفٹی میں 150 پوائنٹس کا اضافہ ہوا۔
ریلائنس انڈسٹریز، ایچ ڈی ایف سی بینک اور ایچ ڈی ایف سی جیسی سرخیل کمپنیوں میں خریداری سے دوپہر تک چھ سو سے زیادہ پوائنٹس کے اضافے کے ساتھ 37،588.55 پوائنٹس تک پہنچ گیا۔ نفٹی بھی 55.05 پوائنٹس اضافے کے ساتھ 10،946.65 پر کھلا اور 11،067.20 تک پہنچ گیا۔
خبریں لکھے جانے کے وقت سینسیکس 603.62 پوائنٹس یا 1.63 فیصد اضافے کے ساتھ 37،543.22 پوائنٹس پر اور نفٹی 158.35 پوائنٹس یا 1.45 فیصد اضافے کے ساتھ 11،049.95 پوائنٹس پر کاروبار کررہا تھا۔
مارکیٹ میں توانائی ، بینکنگ ، فنانس اور آٹو گروپس کی کمپنیوں میں زبردست تیزی دیکھنے میں آئی۔ آئی ٹی اور ٹیک گروپوں پر دباؤ تھا۔
یواین آئی،اظ