NationalPosted at: Nov 19 2017 5:21PM اندراگاندھی اقدار اوراصولوں کے لئے جدوجہد کرتی رہیں: سونیا
نئی دہلی،19نومبر(یو این آئی) کانگریس کی صدر سونیا گاندھی نے آج کہاکہ ’آئرن لیڈی‘ کے طورپر معروف سابق وزیراعظم اندرا گاندھی ہمیشہ ذاتی مفادات اور ذاتی ایجنڈا کے خلاف رہی ہیں اور پوری زندگی اقدار اور اصولوں کے لئے جدوجہدکرتی رہیں۔
کانگریس صدر نے اندراگاندھی کے جنم صدی کے موقع پر یہاں ان کی زندگی کے مختلف پہلوؤں کو پیش کرتی فوٹو نمائش کی افتتاحی تقریب میں کہاکہ لوہے جیسی خصوصیات اندرا گاندھی کی شخصیت میں ایک عنصر کی طرح تھیں۔ سخاوت اور انسانیت ان میں بھری تھی اور وہ پوری زندگی ذاتی مفادات اور ذاتی ایجنڈے کے خلاف اور اصولوں کے لئے لڑتی رہیں۔ اس موقع پر سابق صدر پرنب مکھرجی اور سابق ویراعظم منموہن سنگھ بھی موجود تھے۔
انہوں نے کہاکہ اندرا جی کو زورزبردستی، استحصال اور ناانصافی کسی بھی سطح پر برداشت نہیں تھی ۔ یہ ان کے کردار کا بنیادی حصہ تھا ۔ اس خصوصییت سے وہ پوری زندگی متاثر رہیں اور اسی بنیاد پر انہوں نے زندگی کے مختلف چیلنجوں کا مقابلہ کیا۔
کانگریس صدر نے کہاکہ اندرا گاندھی نے مذہب اور ذات کی بنیاد پر پورے ملک کو تقسیم کرنے والی طاقتوں کا ہمیشہ ڈٹ کر مقابلہ کیا اور سیکولرزم کے اصول کے لئے جدوجہد کرتی رہیں ۔ وہ ہمیشہ ملک کے تنوع،اس کی جمہوری بنیاد اور سیکولر اقدار کی حمایتی رہیں۔
جاری یو این آئی ۔ م ع۔ 1450