NationalPosted at: Mar 6 2018 11:44PM سونیا اور مہتاب کی سیاسی ملاقات
نئی دہلی، 6 مارچ (یو این آئی) ایک نمایاں سیاسی تبدیلی کے تحت کانگریس کی رہنما اور ترقی پسند محاذکی چیئرپرسن سونیا گاندھی نے لوک سبھا میں بیجو جنتا دل لیڈر بھرت روہاری مہتاب سے ملاقات کی اور ان سے اڈیشہ کی سیاسیات پر تبادلہ خیال کرنے کی کوشش کی۔
یہ ملاقات اس وقت ہوئی جب ایک سے زائد پارلیمانی اراکین لوک سبھا میں اپنے اپنے مطالبات پر زور ڈالنے کے لئے احتجاج کررہے تھے۔ محترمہ گاندھی کو بیجو جنتا دل کی بنچوں کو پار کرکے مسٹر مہتاب سے مل کر کئی منٹ تک بات کرتے ہوئے دیکھا گیا۔
رابطہ کرنے پر مسٹر مہتاب نے اس ملاقات اور بات چیت اور تفصیل بتانے سے انکار کردیاا ور کہا کہ ایوان میں رابطوں کے تعلق سے بات ہورہی تھی۔
واضح رہے کہ مسٹر مہتاب بیجو جنتا دل کے سربراہ اور اڈیشہ کے وزیراعلی نوین پٹنائک کے بااعتماد مشیر ہیں اس لحاظ سے محترمہ گاندھی کی ان سے ملاقات سیاسی اہمیت کا حامل سمجھا جارہا ہے۔ کیونکہ ایک سے زائد علاقائی پارٹیاں جن میں ترنمول کانگریس اور تلنگانہ راشٹریہ سمیتی شامل ہیں ایک نیا محاذ قائم کرنے کی کوشش کررہی ہیں۔
اڈیشہ میں ایک طرف جہاں کانگریس کی جڑیں کمزور ہوئی ہیں وہیں بی جے ڈی مخالف ووٹ بی جے پی کے حصے میں آئے ہیں۔ ریاست میں ووٹوں میں کانگریس کی ساجھیداری چند برسوں پہلے تک جہاں 33 فیصد تھی وہ گھٹ کر بارہ فیصد ہوگئی ہے۔ دوسری طرف بی جے پی کی یہ حصہ داری اٹھارہ فیصد سے بڑھ کر 31 فیصد ہوگئی ہے۔بی جے ڈی نے 44۔43 فیصد کی حصہ داری برقرار رکھی ہے۔
جاری۔یو این آئی۔ سلام۔ ظ ا۔