حیدرآباد28فروری(یواین آئی)اسرو کے صدرنشین کے سیون نے کہا ہے کہ خلائی ایجنسی جاریہ سال 14مشننس کو چھوڑنے پر غور کررہی ہے۔انہوں نے برازیل کے امیزون 1اور دیگر 20سٹلائیٹس کو اے پی کے سری ہری کوٹہ سے 28فروری کو چھوڑے جانے کے بعد مشن کنٹرول سنٹر سے سائنسدانوں سے خطاب کرتے ہوئے کہاکہ یقینی طورپر ہم جاریہ سال 14دیگر مشنس کو چھوڑنے کا منصوبہ رکھتے ہیں۔انہوں نے کہاکہ ان 14مشنس میں چھ سٹلائیٹ مشنس،سات لانچ مشنس اور ایک بغیر انسان والا مشن ہوگا۔انہوں نے کہاکہ جاریہ سال کے اواخر میں پہلا غیر انسانی مشن چھوڑا جائے گا۔یہ مشن انسان کو چھوڑے جانے والے گگن یان مشن سے پہلے والا مشن ہوگا۔انہوں نے کہا ”یہ ہمارانشانہ ہے اور ہم اس پر کام کررہے ہیں۔“انہوں نے کہا کہ اسرو قومی مطالبات کے نشانہ کی تکمیل کرے گا۔پی ایس ایل وی سی 51کی کامیابی پر انہوں نے کہاکہ آج کا دن کافی بہتراور اسرو کے مشن کے لئے خصوصی رہا ہے۔انہوں نے اسرو کی پوری ٹیم اور مشن کی تیاری کاجائزہ لینے والی ٹیم کو اس مشن کی کامیابی پر مبارکباد پیش کی۔
یواین آئی وخ