SportsPosted at: Apr 9 2020 7:24PM جموں اسٹیڈیم میں 150 بستروں والا كوارنٹين سینٹر
جموں، 09 اپریل (یو این آئی ) کورونا وائرس کی روک تھام کے لئے اٹھائے جا رہے احتیاطی قدم اور اضافی بنیادی ڈھانچہ بڑھانے کے لئے ریاستی حکومت جموں اسٹیڈیم کے دو انڈور کمپلیکس میں 150 بستروں والا كوارنٹين سینٹر قائم کرے گی۔
اس سلسلے میں سینئر ڈاکٹروں، انتظامی اور فوج کے جوانوں نے جمعرات کی صبح مولانا آزاد اسٹیڈیم اور بھگوتی نگر انڈور كمپلیكس کا معائنہ کیا ۔
جموں و کشمیر کھیل کونسل کے سیکرٹری جاوید نسیم چودھری نے کہاکہ مرکز کے زیر انتظام علاقہ کے دیگر حصوں کی طرح جموں میں انڈور كمپلیكس کو بھی كوارنٹين سینٹروں میں تبدیل کیا جا رہا ہے۔